Hajiji (tanga’) miampai Puru Parlimen Sabah id Sri Gaya, di songkosodop.
KOTA KINABALU: Boyoon Montiri (KM), Datuk Seri Haji Hajiji Haji Noor pinapaharo pinirubaan miampai pipiro Puru Parlimen Sabah doid Sri Gaya, do hiti, di songkosodop montok miniboros haal ngaawi’ maso-maso.
Ka di Hajiji, minaganu isio pomusarahan, sisimbar om nogi’ atag di pinotoguang kopohompit haal i kapanahak waya’ kumaa rayat id nayatan siriba’, kopohompit kaganaan kuasa koporintaan pogun om Pisompuruan.
“Minogiboboros nogi’ yahai di haal ngaawi’ kopoindalanan di poinhompit do bohogian kikuasa’ watas om nokoiyonon,” ka disio.
Wookon Puru Parlimen i nokotindapou nopo, Datuk Armizan Mohd. Ali (Papar), i po nogi’ Montiri Pidagangan Suang Pogun om Kos Balanja Masi; Datuk Ir. Shahelmey Yahya (Putatan); Datuk Matbali Musah (Sipitang); Lo Su Fui (Tawau), i po nogi’ Kumoduo Montiri id Koupisan Luguan Montiri; Datuk Jonathan Yasin (Ranau); om i Riduan Rubin (Tenom).
