Tun Musa ontok pinopolombus taru karaja’ TYT Sabah Ko-11.
KOTA KINABALU: Tun Musa Aman pinopolombus taru sabaagi Molohingon Agayo (TYT) Yang di-Pertua Pogun Sabah Ko-11 id Istana Seri Kinabalu, tadau baino’.
Istiadat pinopolombus taru dilo’ nokotimpuun soira’ nopo kinorikotan disio miampai sawo, Toh Puan Faridah Tussin id Lintuhun Istiadat di jaam ko 10.11 kosuabon.
Id istiadat dilo’, Boyoon Montiri Sabah, Datuk Seri Haji Hajiji Haji Noor pinopoindalan kinopolombusan kopohimaganan Yang di-Pertua Pogun Sabah Ko-11.
Sinusuhut ilo’ do kinopolombusan taru karaja’ sabaagi Yang di-Pertua Pogun Sabah di Tun Musa pogulu disio suminain taru karaja’ om kinopogirotan id toguang Hakim Kuut Akawas Sabah om Sarawak, Tan Sri Abdul Rahman Sebli kikiro jaam ko 10.22 kosuabon.
Tun Musa om Toh Puan Faridah minangamin doa binuruan di Datuk Bungsu.
Istiadat talib dilo’ pinotilombus miampai kinopolombusan kotiu’on di Hajiji om sinusuhut bacaan doa di Mufti Koporintaan Pogun, Datuk Bungsu @ Aziz Jaafar.
Kopupusai istiadat dilo’, Tun Musa om Toh Puan Faridah pinaangayan doid Lintuhun Seri Kinabalu tinanud di Hajiji om sawo, Datin Seri Juliah Salag om Speaker DUN, Datuk Seri Kadzim M. Yahya nogi’ sawo, Datin Seri Noraini Salleh kikiro jaam ko 10.43 kosuabon.
Minananud nogi’ i tongo’ Kumoduo Boyoon Montiri, nuludan kabinet pogun, tongo’ tombului naalap om sompoopori sawo.
Di ko 17tw Kohopod om Duo katatalib, Yang di-Pertuan Agong Sultan Ibrahim nakasaga’ minamagaa’ Surat Cara Koposilihan sabaagi Yang di-Pertua Pogun Sabah Ko-11 kumaa di Tun Musa monowoli di Tun Juhar Mahiruddin i nopupusan timpu surupukaraja’ di ko 31tw Kohopod om Duo 2024.
Tumanud Perkara 1 Koundangan Pogun Sabah, kinoposilihan di Musa pointonod ko 1tw Koiso’ 2025 gisom 31tw Kohopod om Duo 2028.
