Hajiji minonorikohon mitingan kumoinsan MTS.
KOTA KINABALU: Kounsol Tenaga Sabah (MTS) pinopolulus mogisusuai inggisaman kaampai mongukab kopongimbulaian ginoris aanu monginwagu i koponguhup monigampot om monimporon jidar nokoopi’ kopolobusan soginumu’ 30 pihatus nogi’ monoibau kobolingkahangan kokurion ginoris lotirik id pogun diti.
Ponorikohon di Boyoon Montiri, Datuk Seri Haji Hajiji Haji Noor, MTS id mitingan kumoinsan dau di tadau baino’ kaakun popoindalan ponolidikan kasagaankopoindalanan intodonon ginoris aanu monginwagu montok Sabah miagal tongus, ‘geoterma’ om projik janakuasa’ ‘low head hydro summersible’ montok momoruhang piuhupan ginoris aanu monginwagu.
Atag ngaawi’ di suai mantad Suruhanjaya Tenaga sabah (ECoS) kaampai no kopongoputan kopoindalanan loji janakuasa di haro mantad i kiginoris lansanon, kopomolian ginoris mantad loji janakuasa biomass, papatantu’ kopomongohan projik Solar Kitukuran Agayo (LLS), maganu kapasiti mantad Sarawak, popoindalan Sistem Kopoopian Ginoris Botiri (BESS), pomoruhangan loji janakuasa gas sandad sabaagi pomurikit koundolihon om kopoindalanan kawagu loji janakuasa Geoterma.
Kopomongohan Palan Kopoburuan Hidroelektrik Sabah i dumontol koompokon toun diti pikikiro koponokodung inggisaman ngaawi’ kopolobusan ginoris id pogun diti.
Montok timpu anaru, Koporintaan Pogun mongukab tiknologi wagu miagal ‘Reaktor Modular Okoro’ (SMRs) miampai sokodung Koporintaan Pisompuruan om Kopongolonan Ginoris Linasu’ Rahat (OTEC) nosusuhut kinopolulusan Enakmen OTEC 2024 do Lintuhun Undangan Pogun Sabah.
Boyoon Montiri id booboroson ponimpuunan disio pinoposotol do Koporintaan Pogun tumopot montok timpu dumontol ginoris di ogirot id Sabah maya’ Palan Induk om Sondikoton Ginoris Sabah 2040 (SE-RAMP 2040_ i pinoimpuun di ko 19tw Kosiam toun nakatalib.
“SE-RAMP 2040 pinopoloting mogisusuai karalano’ om inggisaman montok popiadas di kopomogunaan ginoris om papatantu’ koumoligan ginoris, ogoosan sumanganu, om kopomogompian sandad posorili’,” ka disio i minoboros do mitingan MTS moningkanan kumaa monoibau kaantaban ginoris maso-maso id Sabah, kaampai kokurion kapasiti om kaadason grid nogi’ pamalanan montok momogonop kopomogunaan pokionuan lotirik timpu gonsuhatan om anaru.
Pinokianu nogi’ disio laang pogiuhupan mantad oinsanan boogian kikoponsolon id kopotontuan koinsanai palan om inggisaman aanu popoindalan.
Nokopgoulu, Hajiji minoboros tonggungan MTS i pinolulus do Nuludan Montiri di ko 6tw Kotolu toun diti nopo nga’ montok papatantu’ waya’ karalanon om inggisaman SE-RAMP 2040.
Pinonorikohon di Boyoon Montiri, MTS kiharo 11 puru pointatap ilo’ nopo Montiri Karaja’ Agayo, Montiri Koburuon Pomorunan om Mongindapu’, Monunurat Koporintaan Pogun, Monunurat Pointatap (SUT) Komontirian Kousinan, SUT Komontirian Karaja’ Agayo, SUT Komontirian Koburuon Pomorunan om Mongindapu’, Potunud Unit Pamalanan Ikonomi Pogun, Luguan Upisor Mongungulud Sekretariat Sabah Maju jaya, Ponorikohon ECoS om Luguan Upisor Eksekutif ECoS.
Luguan Upisor Eksekutif Sabah Energy Corporation Sdn. Bhd, SMJ Energy Sdn. Bhd om Sabah Electricity Sdn. Bhd. sopipoopori do puru naalap.
MTS tinuridong nosusuhut kinapatahakan kuasa kapanamangan popoindalan ginoris mantad Koporintaan Pisompuruan kumaa Sabah om mongolon Puruankuasa’ Pamalanan om Kopoindalanan Kapangabaan Lotirik om Tarif (JPPPET) Sabah.
