Dr. Gunter pinopokito setifikit kinoposilihan sabaagi Monontuduk Blue Economy Sabah i pinatahak di Hajiji ontok kinotombuluyan apantang dilo’.
KOTA KINABALU: Boyoon Montiri, Datuk Seri Haji Hajiji Haji Noor ruminuba’ di Prof. Dr. Gunter Pauli, i monunurat Blue Economy id Menara Kinabalu do hiti di tadau baino’.
Id pinirubaan dilo’, miniboros yolo’ karait do Blue Economy nogi’ sondikoton Sabah id kopoindalanan inggisaman id siriba’ konsep wagu dilo’ montok maganu pinuawang om nindopuan wagu montok pogun diti.
I Hajiji pinapatahak nogi’ do watikah koposilihan kumaa di Dr. Gunter sabaagi Monontuduk Blue Economy Sabah.
Dr. Gunter, 69, nopo nga’ mononomboros osuul id Forum Blue Economy ASEAN Kotolu 2025 i pinaharo id Longkod Konvensyen Sompomogunan Sabah (SICC) di tadau baino’.
Nokotindapou nogi’ i Monunurat Koporintaan Pogun, Datuk Seri Sr. Safar Untong om Luguan Upisor Mongungulud Sekretariat Sabah Maju Jaya, Datuk Rosmadi Sulai.
