Tindarama Rayner F. Udong
KOTA KINABLU: Tulun ginumuan alapon do tumindapou id Pialaan Panantaban Tohuri Manangon, Monusuyan om Roisol id Hongkod Koisaan, Penampang do ko 25tw Kolimo diti.
Ponorikohon Pialaan kopihondot Paramaian Ramai Kamaatan Nayatan Pogun, Tindarama Rayner F. Udong minoboros, ababayan dilo’ kotimpuun jam ko 8 kosuabon om pohoroon sabaagi inggisaman mononduli’gompi’ tungkusan boros om monginggirot komilaan boros sandad.
“Ababayan diti okon ko’ pialaan nopo, nga iso’ ponginsomokan ‘proaktif’ do posuni kopurimanan oupus do boros sandad kosuul no id nayatan sukod wagu.
“Kihontolon ilo’ do monginggirot komilaan boros om ponuratan id Boros Kadazandusun sitandod mimpau do dialek Bundu-Liwan, i ninggonopan di dialek Dusunik, Murutik om Paitanik.
“Pialaan diti kosili posunduran kumaa kobulunon om kaandasan susumikul momoguno boros sandad diolo’, potilombus dino mongingkuri’ katalahanan kumaa boros songkosuayan id pilumaagan tadau-adau,” ka disio ontok rinubaan di kaawagu diti.
Ka di Rayner, ponginsomokan maya’ susuyan rayat, kaantakan otopot, suusunud nogi’ karya sandad kouhup nogi’ do susumikul monginsonong nuludan galama om monginggumu’ komoi boros Boros Kadazandusun.
“Boros nopo nga’ ginawo tinaru. Nung atalup boros, nga’ atagak nogi’ ginirot kinoulunon. Amu’ tokou mimang Sabah atagakan kogumuan boros tinaru dau,” ka disio pinoposotol.
Rayner pinopointalang nogi’ do pialaan dilo’ kosili kosiwatan oponsol id inggisaman momogompi’ boros ngaawi’ Dusunik, Murutik om Paitanik (DMP).
Ka disio, ababayan dilo’ mongunsub nogi’ piuhupan mogisusuai bohogian miagal Koupisan Balajaran Pogun Sabah, Maktab Pongia’an Kent, Yayasan Boros Kadazandusun (KLF) om Dewan Boros Kadazandusun (DBK) montok monuridong sistem sokodung balajaran di lobi kogirot.
“Tonggungan paganakan nga’ oponsol nogi’ kopio id koponomposian kawagu pomogunaan boros sandad id walai. Ababayan diti okon nopo ko’ kikogunaan id sunduk balajaran, nga kouhup monuridong kawagu kointutunan ‘linguistik’ sukod wagu i nokoinluhau timbagos dilo’ miampai di koubasanan sandad.
“Tangaanak tadau baino’ diti potoguang kaantaban kotonuan kointutunan. Maya’ koubasanan boros, kaanu yolo’ gumuli’ mintutun susuyan kahandaman, nantadon om isai kopio yolo’ di otopot no,” ka disio.
Ka disio kawagu, kalantaion ababayan miagal diti amu’ apatut poilihon id lihawa kotinanan nopo, tu’momoguno sokodung oinsanan bohogian kaampai molohing om mogigiyon do koinsanai.
“Miampai kopoindalanan di poómpus nogi’ sokodung ouli’, otumbayaan oku pialaan diti kaanu sumili ‘talian hayat’ tohuri no id inggisaman manampasi boros sandad Sabah mantad atalup,” ka disio kawagu.
Kapt:
Tindarama Rayner F. UdongOrang ramai dijemput hadir pertandingan akhir pertandingan ‘Manangon’, Monusuyan’ dan ‘Roiso’ Ahad iniTulun alapon rumikot id panantaban tohuri pialaan ‘Manangon’, ‘Monusuyan’ om ‘Rosio’ tadau Minggu ditiKOTA KINABLU: Tulun ginumuan alapon do tumindapou id Pialaan Panantaban Tohuri Manangon, Monusuyan om Roisol id Hongkod Koisaan, Penampang do ko 25tw Kolimo diti.Ponorikohon Pialaan kopihondot Paramaian Ramai Kamaatan Nayatan Pogun, Tindarama Rayner F. Udong minoboros, ababayan dilo’ kotimpuun jam ko 8 kosuabon om pohoroon sabaagi inggisaman mononduli’gompi’ tungkusan boros om monginggirot komilaan boros sandad.“Ababayan diti okon ko’ pialaan nopo, nga iso’ ponginsomokan ‘proaktif’ do posuni kopurimanan oupus do boros sandad kosuul no id nayatan sukod wagu.“Kihontolon ilo’ do monginggirot komilaan boros om ponuratan id Boros Kadazandusun sitandod mimpau do dialek Bundu-Liwan, i ninggonopan di dialek Dusunik, Murutik om Paitanik.“Pialaan diti kosili posunduran kumaa kobulunon om kaandasan susumikul momoguno boros sandad diolo’, potilombus dino mongingkuri’ katalahanan kumaa boros songkosuayan id pilumaagan tadau-adau,” ka disio ontok rinubaan di kaawagu diti.Ka di Rayner, ponginsomokan maya’ susuyan rayat, kaantakan otopot, suusunud nogi’ karya sandad kouhup nogi’ do susumikul monginsonong nuludan galama om monginggumu’ komoi boros Boros Kadazandusun.“Boros nopo nga’ ginawo tinaru. Nung atalup boros, nga’ atagak nogi’ ginirot kinoulunon. Amu’ tokou mimang Sabah atagakan kogumuan boros tinaru dau,” ka disio pinoposotol.Rayner pinopointalang nogi’ do pialaan dilo’ kosili kosiwatan oponsol id inggisaman momogompi’ boros ngaawi’ Dusunik, Murutik om Paitanik (DMP).Ka disio, ababayan dilo’ mongunsub nogi’ piuhupan mogisusuai bohogian miagal Koupisan Balajaran Pogun Sabah, Maktab Pongia’an Kent, Yayasan Boros Kadazandusun (KLF) om Dewan Boros Kadazandusun (DBK) montok monuridong sistem sokodung balajaran di lobi kogirot.“Tonggungan paganakan nga’ oponsol nogi’ kopio id koponomposian kawagu pomogunaan boros sandad id walai. Ababayan diti okon nopo ko’ kikogunaan id sunduk balajaran, nga kouhup monuridong kawagu kointutunan ‘linguistik’ sukod wagu i nokoinluhau timbagos dilo’ miampai di koubasanan sandad.“Tangaanak tadau baino’ diti potoguang kaantaban kotonuan kointutunan. Maya’ koubasanan boros, kaanu yolo’ gumuli’ mintutun susuyan kahandaman, nantadon om isai kopio yolo’ di otopot no,” ka disio.Ka disio kawagu, kalantaion ababayan miagal diti amu’ apatut poilihon id lihawa kotinanan nopo, tu’momoguno sokodung oinsanan bohogian kaampai molohing om mogigiyon do koinsanai.“Miampai kopoindalanan di poómpus nogi’ sokodung ouli’, otumbayaan oku pialaan diti kaanu sumili ‘talian hayat’ tohuri no id inggisaman manampasi boros sandad Sabah mantad atalup,” ka disio kawagu.
