Mohd. Nasir Deraman ontok kapahabaran doid Wisma Kopogirotankuasa’ Sepanggar id Kota Kinabalu.
KOTA KINABALU: Koupisan Kastam Diraja Malaysia (JKDM) Sabah nokoposurat 13 kes miampai limo kes pinomogombitan po’ompus walu’ tadau kinopoindalanan Op tuai mamaso timpu Ramai Kaamatan.
Tumanud Utusan Malaysia, Monguhup Luguan Potunud Kastam Zon Sabah, Datuk Mohd. Nasir Deraman minoboros, po’ompus kinopoindalanan operasi dilo’, minanahan yolo’ do apat kusai nokoiyonon kiumur pialatan 19 gisom 41 toun nogi’ songulun kusai songkosuayan kiumur 41 toun.
Minoboros isio, po’ompus Op Tuai, Kastam nakaahou nogi’ mogisusuai ponit om pungaran sogirit miampai ginumu’ koinsanai RM9,164.64 nogi’ tinumon kaawuk mogisuai pungaran soginumu’ 16,767.59 liter miampai pikikiro gatang koinsanai RM290,155.76.
Ka disio, ontok kinopoindalanan Op Tuai di ko 22tw Kolimo, Bohogian Pogirotkuasa’ JKDM Sabah nakapagahou mogisusuai ponit om pungaran tinumon kaawuk kiginumu’ 16,767.59 liter miampai gatang kiginumu’ RM80,453.19 om pikikiro gatang sukai om duti kiginumu’ RM290,155.76.
“Naahou nogi’ id pinonungodan dilo’, mogisusuai ponit om pungaran sogirit kiginumu’ 15,480 watang miampai pikiikiro gatang soginumu’ RM1,874.40 om sukai nogi’ duti kiginumu’ RM9,164.64.
“Suai ko ilo’ duo tinan luri, songinan van om songinan padsakaian Perodua Viva i kotumbayaan ginuno montok popoopi’ tinumon kaawuk nga’ naahou id operasi diti miampai gatang koinsanai pikikiro RM75,000. Ginumu’ koinsanai gatang naahou id operasi diti nopo nga’ RM456,647.99,” ka disio id kapahabaran doid Wisma Kopogiratankuasa’ Kastam Sepanggar, do hiti di tadau baino’.
Kes soriukon id siriba’ Seksyen 135(1)(d) Akta Kastam 1967 mantad kasalaan pinopoopi’ babarang pogoduhan.
