Dr. Joachim (koduo, wanan) miampai di Roland (kotolu mantad wanan) minamagaur Yee Sang Tossing.
KOTA KINABALU: Koporintaan pinopoobi’ geran soginumu’ RM54.05 riong montok sikul ngaawi’ om tinan kougamaan okon Islam id Sabah id bajet toun diti.
Boyoon Montiri, Datuk Seri Hajiji Noor minoboros ginumu’ diti nokoingkawsa RM7.05 riong nung piadangon di toun nakatalib om nokopokito opoduli’ koporintaan id kogugunaan mogigiyon om pointopot monguhup amu’ momuntuk tinaru, sinakagon toi ugama’.
“Suai ko ilo’, RM1.5 riong ponguhupan kapangabaan tulu mondou kopihondot Toun Wagu Sina’ maan poikido’ kumaa koisaan om tokong ngaawi’ poinggompit maya’ Lintuhun Koundangan Pogun nogi’ Parlimen sabaagi sokodung kumaa mogigiyon Tiong Hua.
“Toririmo tokou poposotol katatapan kaadangon om opoduli’ id oinsanan sunduk montok monguhup mogigiyon id Sabah,” ka disio id Ababayan Kinopoimaganan Kinapatahakan Tulu Mondou Kumaa Mogigiyon Tiong Hua Sabah Kopihondot Toun Wagu Sina’ do hiti, di tadau Kaapat.
Id ababayan dilo’, kalansanan disio ponguhupan dilo’ kapanahak koundaran om koposindak po do kapamaramaian Toun Wagu Sina’ potilombus dino koponilombus sunduan pogiobpinoian rayat.
Teks boboroson disio binasa’ di Kumoduo Boyoon Montiri po nogi’ Montiri Kopotundaan om Pomorunan Sabah, Datuk Seri Dr. Joachim Gunsalam.
