Hajiji tinanud di Shahelmey, Safar, Abidin, Noorliza, Ag. Shahminan om i Mohd. Reduan Aklee minooi intong koyuon walai di nongogompitan.
KOTA KINABALU: Boyoon Montiri (KM), Datuk Seri Hajiji Haji Noor pinapatahak Ponguhupan Tusin Ihsan Kadaaton Sandad RM1,000 kuminaa di 36 luguan suang walai (KIR) Kampung Tanjung Aru Baru id balai raya kampung dilo’ do hiti di tadau baino’.
Yolo’ nopo nga’ i noumpadanan do kinaantakan ruab agayo i naantakan di koompokon wulan Kohopod om Duo 2022.
Hajiji pinapatahak ponguhupan Tusin Ihsan Kadaaton Sandad RM1,000 kuminaa Luguan Suang Walai (KIR) Kampung Tanjung Aru Baru i kosudong doid Balai Raya Kg. Tanjung Aru, Kota Kinabalu, di baino’.
I hajiji pinapahabar po nogi’ tolu KIR i walai diolo’ nopuhut karamit ponguhupan pomoruhang RM20,000 mantad Koporintaan montok monuridong walai wagu.
Daamot 33 po KIR i walai diolo’ i naraag o sampaping karamit ponguhupan RM10,000.
“Mantad ponguhupan tusin Ihsan dilo’ lumansan koporintaan koponguhup monginggan okuuri’ koinggoritan di nongogompitan,” ka disio kumaa magaganu habar katalib minooi intong koyuon walai di nongogompitan id Kampung Tanjung Aru Baru.
Hajiji pinapatahak ponguhupan Tusin Ihsan Kadaaton Sandad RM1,000 kuminaa Luguan Suang Walai (KIR) Kampung Tanjung Aru Baru i kosudong doid Balai Raya Kg. Tanjung Aru, Kota Kinabalu, di baino’.
Nokotindapou nogi’ i Montiri Koburuon Mogigiyon om Kasasanangan Rayat, Datuk Ir. Shahelmey Yahya, Monunurat Koporintaan Pogun, Datuk Seri Sr Haji Safar Untong, Monguhup Montiri kumaa Luguan Montiri, Datuk Abidin Madingkir, Mayor Bandaraya Kota Kinabalu, Datuk Noorliza Awang Alip, Monunurat Hal Suang Pogun om Ponolidikan, Datuk Ag. Shahminan Datuk Haji Ag. Shahari om i Lansanon Koburuon Mogigiyon (PPM) Tanjung Aru, Mohd Reduan Aklee.
