Tun Musa Aman
KOTA KINABALU: Molohingon Agayo Pogun Sabah, Tun (Dr) Musa Aman minongunsub oinsanan rayat Sabah do mogintong naangayan om monginwagu angkab kopihondot kopomoromitan korikotan toun wagu sabaagi kosiwatan mogintong do naangayan nogi’ kaantaban di nawayaan.
di pason dau, ka disio, kotimpuunon toun wagu nuru’ intangan sabaagi kosiwatan do mamalan angkab om pamalanan montok monigampot toun di lobi kosonong om kirati.
Tun Musa nga’ minokianu nogi’ do Koporintaan pogun mooi do tumilombus tumopot id inggisaman monigampot koburuon sosioikonomi di ogirot om kopotonggoi ngaawi’ montok kasasanangan rayat Sabah.
Ka disio, tingkananon nuru’ patahhakon kumaa kapagarasan infrastruktur, panalasaia kobolingkahangan ngaawi’ di nakalaid i notoguang pogun nogi’ kopoingkawasan kotundunan om sinonong koposion rayat.
Pinosotol nogi’ disio kogunoon do Sabah montok tumilombus mongimbayat kopoopuan osonong om mongimbulai pososorili’ di osimbayan ontok monokodung kosunion ikonomi.
Id timpu di miagal, koburuon siktor ngaawi’ agayo miagal perkilangan, ponombuluyan om pomutanaman nuru’ ingkawasan montok mongimbulai lobi kogumu’ kosiwatan pakarajaan, monginggirot ikonomi om mamajamin komogoton timpu anaru pogun diti.
Tun Musa pinoposotol do pisompuruan nopo nga’ ginoris bobos agayo rayat Sabah om kopogisusuaian ugama nogi’ tinaru id pogun diti nopo nga’ iso’ gaa’ i apatut gatangon om gompion.
Kohondot dilo’, pinokianu disio yolo’ i lobi osonong kinonosipon do papatahak ponguhupan kumaa diolo’ i momoguno, kosuul no tinimungan kogumuan om okuri’ kosukupan id mogigiyon.
Pinopolombus nogi’ isio kopongunsikahan kumaa Puru tinimungan koumoligan pogun i katama’ minsodu mantad paganakan montok no mongumolig piwolitan om momogompi’ koumoligan om bantug pogun nogi’ pomogunon.
Ka disio, kolubukan om tinonggungan tinimungan koumoligan gatangon kopio om toririmo sorohon do rayat.
Minomupus pason dau, Tun Musa lumansan toun wagu diti kopogowit komogoton, koburuon, kotoronongon om piuludan di po’ompus kumaa Malaysia do poinpuli, kosuul no kumaa pogun Sabah.
Otumbayaan isio miampai inggisaman oinsanan, komiloon nogi’ sunduan pisompuruan di ogirot, rayat Sabah kaanu lumaang kumaa toguang kumaa timpu dumontol lobi kanawau.
Tun Musa minamason Kounsikahan Toun Wagu om tabi Kounsikahan kumaa oinsanan rayat.
