Haji Hajiji Haji Noor
KOTA KINABALU: Kabinet Pogun perpaduan i wagu koturidong tumopot do miuhup oronit id koposiahan kopuawangon om komogoton Sabah montok timpu limo toun dumontol, ka di Boyoon Montiri, Datuk Seri Haji Hajiji Haji Noor.
“Pasanganu tokou ginoris di ogirot montok popoindalan haal diti, mimpau di naangayan koburuon om kinomogoton i nokoindalan id suang timpu limo toun nakatalib.
“Posodia’ tokou popoimpuun palan koburuon Sabah Maju Jaya (SMJ) 2.0 di poinpuli, kopotonggoi ngaawi’ om pototongkop do toun 2026,” ka disio katalib minonorikohon mitingan kumoiso’ Kabinet Pogun id Menara Kinabalu, do hiti, di tadau baino’.
Hajiji (poindikau, tanga’) miampai nuludan Kabinet Pogun di wagu. Okito nogi’ id gambar i Monunurat Koporintaan Pogun, Datuk Seri Safar Untong (gibang).
Boyoon Montiri pinoposotol kogunoon montok monginggirot koporintaan pogun montok papatantu’ kaadangon pulitik di po’ompus nogi’ kotilombuson komogoton.
Pinosotol disio kinalantaion limo toun nakatalib nopo nga’ mantad no do tonggungan montok mongimbulai kaadangon om posuni koyuon di osimbayan montok koburuon.
“Miampai kopomorintaan wagu diti, yoho’ om puru Kabinet monginggirot tonggungan montok monimporon kaadangon om monokodung ababayan pulitik mimpau pisompuruan nogi’ koburuon,” ka disio kawagu.
Boyoon Montiri nga’ tuminaru, “Yoho’ nopo nga’ Boyoon Montiri montok toinsanan, sumurupu karaja kumaa oinsanan rayat Sabah do aadang miampai amu’ monompini’ nantadon, tinaru toi ugama diolo’.
Boyoon Montiri nga’ pinapahabar nogi’ do portfolio montok 17 monguhup montiri i tuminaru di konihab.
Koupisan Boyoon Montiri
Datuk Joniston Bangkuai (GRS)
Datuk Isnin Aliasnih (GRS)
Datuk Mandela Malakun (GRS)
Karaya’ Agayo om Utiliti
Datuk Limus Jury (GRS)
Dato’ Sri Dr. Ruddy Awah (GRS)
Kousinan
Datuk Ben Chong (GRS)
Datuk Ishak Ayub (STAR)
Pomorunan, Pongindopuan om Padsakaian
Datuk Jonnybone Kurum (GRS)
Koporintaan Koiyonon om Pomuwalaian
Datuk Fairuz Renddan (Bebas)
Datuk Maijol Mahap (Bebas)
Pomutanaman, Ponginsdaan om Pomorunan Akanon
Datuk Haji Ruslan Muharam (GRS)
Datuk Hendrus Anding (GRS)
Pembangunan Luar Bandar
Datuk Samad Jambri (GRS)
Datuk Juil Nuatim (GRS)
Balajaran, Sains, Tiknologi om Inovasi
Jordan Jude Ellron (Bebas)
Pelancongan, Kebudayaan dan Alam Sekitar
Dr. Andi Rizal (GRS)
Koonduan, Kolidasan om Kasasanangan Mogigiyon
Datuk Rina Jainal (Bebas)
