Izharudin (koduo, gibang) suminakai padsakaian istiadat montok minomorisa’ kontinjen pinghuyudan.
KOTA KINABALU: Koyuon tawan di osonong konihab nakapasaga’ raptai poinponu’ Istiadan Pinghuyudan kopihondot Kouliton Toun Kinosusuon Pinotomod Ko-74 Molohingon Agayo Pogun Sabah nakapanau osonong. Raptai i minimpuun jaam ko 7 kosuabon dilo’ pinopokito pinghuyudan di 80 kontinjen kopohimpit walu’ kategori id Padang Merdeka.
Montok papatantu’ pamanahon ababayan dilo’ id rontob bobos osonong, Kumoduo Boyoon Montiri II Datuk Seri Panglima Dr. Joachim Gunsalam i po nogi’ Ponorikohon Puruankuasa’ Takawas pamaramaian nokotindapou minooi intong raptai dilo’.
Leftenan Kol Alphonsus (wanan) miniboros miampai di Dr. Joachim (koduo, wanan), Sabin om Izharudin (gibang).
Nokotindapou nogi’ i Mayor Dewan Bandaraya Kota Kinabalu, Datuk Seri Dr. Sabin Samitah; Monunurat Olisok kumaa Molohingon Agayo Pogun (TYT), Izharudin Jalaludin; Luguan Koinsanai Pinghuyudan, Leftenan Kolonel Alphonsus Radsung @ Benedect om tongo’ mongobi’ koupisan pogun om Pisompuruan.
Istiadsat Pinghuyudan kopihondot Kouliton Toun Kinosusuon Pinotomod Ko-74 Molohingon Agayo Pogun Sabah kapanau do suab (tadau Koonom).
