Hajiji (kaapat, wanan) minamaramit tandamato mantad Montiri Karaja Agayo Malaysia, Dato’ Sri Alexander Nanta Linggi ontok kotombuluyan mamantang id upis disio doid Menara Kinabalu, Kota Kinabalu di tadau baino’.
KOTA KINABALU: Boyoon Montiri, Datuk Seri Haji Hajiji Haji Noor minamaramit kotombuluyan mamantang mantad di Montiri Karaja Agayo Malaysia, Dato’ Sri Alexander Nanta Linggi id upis disio doid Menara Kinabalu di tadau baino’.
Alexander id Sabah montok kotombuluyan karaja duo tadau, minanahak kopointalangan kuminaa di Hajiji karait di tongo’ projik koburuon kogogonopan i masaan poindalanon do komontirian disio id Sabah.
Tinanud isio di tongo’ Kumoduo Luguan Monunurat komontirian dilo’, Dato’ Mohd. Sakeri Abdul Kadir (Katatapan om Koburuon) om Dato’ Zainal Alhakab Seman (Koponguludan), Luguan Potunud Karaja’ Agayo, Dato’ Wira Ir. Roslan Ismail, Luguan Potunud Kotinanan Lebuhraya Malaysia (LLM), Dato’ Ir. Sazali Harun om Monijor Agayo Otuo, Siktor Koburuon Kontraktor om ‘Personal’ Binaan, Kotinanan Koburuon Pomorunan Ponuridongan (CIDB), Sr. Ahmad Farrin Mokhtar.
Nokotindapo nogi’ i Kumoduo Boyoon Montiri III po nogi’ Montiri Karaja Agayo Pogun, Datuk Ir. Shahelmey Yahya, Monguhup Montiri Karaja Agayo Pogun, Datuk Limus Jury, Monunurat Pointatap Komontirian Karaja Agayo Pogun, Datuk Ridhwan Roger Linus om Upisor Totuo JKR Sabah.
