Tun Musa om Hajiji sinuau dilo tongo’ tulun ginumuan id Lintuhun SMK Pengalat.
PAPAR: Molohingon Agayo Pogun (TYT), Tun Musa Aman om sawo, Toh Puan Faridah Tussin, nakaampai pinoposindak kinaramaion ramai poingukab Aidilfitri onjuran Puru Parlimen Papar, Datuk Armizan Mohd. Ali om Puru Lintuhun Undangan Pogun (ADUN) Kawang, Dato’ Sri Ghulamhaidar Khan Bahadar id Lintuhun SMK Pengalat do hiti, di tadau baino’.
Nokotindapou nogi’, Boyoon Montiri (KM), Datuk Seri Haji Hajiji Haji Noor om sawo, Datin Seri Hajah Juliah Salag.
Tun Musa pinapatahak toluod kumaa tinimungan amu’ songkuro kikosukupan om poingintong ii Hajiji, Armizan om Ghulamhaidar.
Ontok kinorikotan, Boyoon Montiri i tinanud dio’ Armizan dii Ghulamhaidar pinopotunui turug koiso’ toluod kumaa tinimungan asnaf id sinasawat pinotomod labus lintuhun.
Hajiji do talib dilo’ minananud di Musa, soira’ nopo nokorikot, do pinapatahak turug koduo toluod kuminaa 50 tinimungan amu’ songkuro kikosukupan id Lintuhun SMK Pengalat.
