KOTA KINABALU: Pipiro ralan om popokingan korita’ id watas Inanam maan sompono’ naamot mimpuun suab (16tw Kohopod om Duo) diti montok manahak kosiwatan kumaa kopoonjuran Inanam Christmas Celebration 2025.
Dewan Bandaraya Kota Kinabalu (DBKK) pinopoilo koponomponan dilo’ kopohompit timpu posodiaan ababayan nogi’ kopoindalanan ababayan kopio kararamaian dilo’.
Ka do DBKK, koponomponan popokingan korita’ poindalanon mimpuun tadau Koduo, 16tw Kohopod om Duo jaam ko 1 minsusuab gisom tadau Minggu, ko 21tw Kohopod om Duo jaam ko 10 totuong, kopohompit Lorong Inanam 3 nogi’ koiyonon pasampaping Bataras Inanam montok koposodiaan ababayan.
Naamot dilo’, wookon ralan id Lorong Inanam nopo nga’ somponon mimpuun tadau Koonom, ko 20tw Kohopod om Duo 2025, mimpuun jaam ko 6 sodopon gisom jam ko 10 totuong, kopihondot ababayan kopio do Inanam Christmas Celebration 2025.
DBKK minamason tulun ginumuan do mananud ponuhuan puru pogirotkuasa’ i poingkaraja’ po’ompus timpu ponomponan om momoguno waya’an suai montok papatantu’ koumoligan om koturunduson trafik.
Tulun ginumuan nga’ pokionuon mamalan pamanahan lobi kosopung kosuul no yolo’ i sasaru’ momoguno waya’an dilo’ nokohompit po’ompus timpu nokomoi.
