Hajiji tumindapou Ramai Pinialanan Memorandum Pihunungan (MoU) id pialatan Malaysia om Brunei Darussalam kopihondot Rundingan Tounan Lansanon Malaysia-Brunei (ALC) Ko-26, i nakapanau doid Kompleks Seri Perdana, Putrajaya di tadau baino’.
KOTA KINABALU: Boyoon Montiri, Datuk Seri Haji Hajiji Haji Noor tuminindapou Ramai Pinialanan Memorandum Pihunungan (MoU) id pialatan Malaysia om Brunei Darussalam kopihondot Rundingan Tounan Lansanon Malaysia-Brunei (ALC) Ko-26, i nakapanau doid Kompleks Seri Perdana, Putrajaya di tadau baino’.
Ramai dilo’ sinasi’ di Sultan Brunei, Sultan Hassanal Bolkiah om Luguan Montiri, Datuk Seri Anwar Ibrahim.
Pinialanan MoU dilo’ kopohompit kaganaan kolidasan id pialatan goduduo pogun.
Hajiji i tinanud di Monunurat Koporintaan Pogun, Datuk Seri Sr. Safar Untong tuminindapou po nogi’ Ramai Makan Doungadau i tinompuan di Anwar.
ALC nopo nga’ koiyonon pirundingan misulak bobos akawas pialatan Malaysia om Brunei i kitonggungan mogintong kinomogoton piuhupan di poinharo mantad, manalasai kobolingkahangan oulingad, suai ko’ miboboros mogisusuai haal kikoponsolon goduo kaampai kinoburuon songkoiyonon om sompomogunan.
