Peto (kotolu, gibang) guminambar pongingitanan miampai popinwara’ om upisor RTM.
KOTA KINABALU: Tulun ginumuan pokionuon rumapou togumu’ montok mamaramai pamaramaian limunduk Tadau Sabah 2025 i kapanau do ko 31tw Kowalu’ diti id Padang Merdeka, Kota Kinabalu.
Puru Lintuhun Undangan Pogun (ADUN) Inanam, Datuk Peto Galim, minoboros kapamaramaian dilo’ okon nopo ko’ kituduan momuhondom tadau kisusuyan kahandaman pogun nga nogi’ sabaagi kopokitonan sunduan pisompuruan rayat Sabah.
“Pokionuon ku mogigiyon pososorili’Kota Kinabalu om koiyonon dodoros do rumikot lobi kosopung miampai sunduan Sabah di akawas. Iti nopo nga’ tadau tokou, tadau montok dati’ do mamaramai oinsanan sabaagi rayat Saabh.
“Tulun ginumuan nga’ unsubon nogi’ mononsokot posokoton tinaru sabaagi ponokotanda’ koondosan kumaa kopogisusuaian koubasanan om kointutunan pogun,” ka disio soira’ rinubaan media id iso’ pituubungan id Sabah FM, di tadau Koduo.
Ababayan limunduk dilo’ pohimogonon di Molohingon Agayo Pogun Sabah, Tun Musa Aman.
Peto nga’ pinopoilo nogi’ do mogisusuai ponuang koimbayat maan pohoroo’ ontok sodop kapamaramaian dilo’ wookon nopo nga’ pokikitanan, kopokitanan bunga’apui, tomu taakanon nogi’ ababayan kapamaga’an kumaa di pinopoburu’ kinomordikaan.
Suai dilo’, ka disio, Ponongkusan Merdeka i poonjuron kopihondot Tadau Sabah nga’ papanahon id pipiro kinoiyonon nopili’ pogulu opupusan id Padang Merdeka ontok sodop pamaramaian.
