Iti montok papatantu’ tongo’ momoguno id Sabah om W.P. Labuan amu’ aantakan waya’ gama-gama’ ‘catuan’ pangaba’ lotirik.
KOTA KINABALU: Kopotingkodan naamot montok karaja’ ponginsonongan kitimpu Sabah & Oil Gas Terminal (SOGT) maan pouruto’ kumaa timpu di potontuon tohuri.
Luguan Upisor Eksekutif Suruhanjaya Tenaga Sabah (ECoS), Datuk Ir. Abdul Nasser Abdul Wahid pinapahabar diti id kointalangan media di tadau baino’.
Minoboros isio, kopourutan id SOGT diti winonsoi soira’ minaganu kokiraan maso-maso Grid Sabah om kogunoon timpu pomoruhang montok kopomongohan poniisan montok wookon unit ‘janakuasa’ IPP id Kimanis momoguno bahan tapui sumpili’ disel, suai ko’ karaja’ ngaawi’ pongundaran loji janakuasa di suai pasanganu Sabah Electricity (SE) om IPP.
Ka disio kawagu, kootusan diti naanu soira’ minonorisid waya’ kakasahan pangaba’ lotirik Grid Sabah tumanud koyuon maso-maso, nung piadangon di waya’ kumaa kopourutan karaja’ ponginsonongan id SOGT.
“Iti nopo nga’ kituduan montok papatantu’ tongo’ moomoguno id Sabah om W.P. Labuan amu’ aantakan do waya’ gama-gama’ ‘catuan’ pangaba’,” ka disio.
