Hajiji (kolimo, wanan) ruminamit replika cek mantad di Mohd. Arsad.
KOTA KINABALU: Sabah Softwoods Berhad minambayar dividen kiginumu’ RM70 riong montok toun 2024 kumaa mongingigit saham agayo dau, Innoprise Corporation Sdn. Bhd., i po nogi’ raan kopoopuan Yayasan Sabah.
Replika cek dilo’ pinatahak di Ponorikohon Sabah Softwoods, Datuk Mohd. Arsad Bestari kumaa di Boyoon Montiri, Datuk Seri Haji Hajiji Haji Noor i po nogi’ Ponorikohon Kotinanan Mongingigit Tonggungan Yayasan Sabah, id Menara Kinabalu do hiti di tadau baino’.
Nokotindapou nogi’ i Potunud Yayasan Sabah, Dato’ Sri Ghulamhaidar Khan Bahadar; Ponorikohon Eksekutif Innoprise Corporation, Datuk Jasnih Dayah; Luguan Upisor Eksekutif Sabah Softwoods Berhad, Datuk Mohd Daud Tampokong om puru Kotinanan Potunud Sabah Softwoods.
