Tanda’ “osonong” mantad di Hajiji (tohuri, tanga’), miampai dii Liew (ogibangan) om Joniston, miampai di Lai (koduo, wanan), Peter (gibang), Dr. Maklarin (wanan) om i Herman (koduo, gibang), nogi’ tongo’ momuruan 15 NGOs pinopokito ponoko’cek katalib ababayan kinoponoluodan.
TUARAN: Kotinanan Mongingigit Tonggungan Taman-Taman Sabah (TSS) pinopotoluod ponguhupan kousinan RM5,000 montok tikid di 15 kotinanan okon koporintaan (NGOs) id siriba’ Ababayan Tonggungan Sosial Korporat kotinanan dilo’.
TSS id siriba’ pomuruanan di ponorikohon dilo’ i Peter Lintar pinapatahak kasagaan dilo’ kopihondot kinopoimpuunan kinopoimpuunan Proses Pibabarasan Bohogian Kikoponsolon om Mogigiyon Nokoiyonon om Ekspedisi montok Paparalad Geopark Global UNESCO Kinabalu (KUGGP) om Rizab Biosfera Crocker Range (CRBR) id Kampung Koubasanan Linangkit do hiti di konihab.
I Boyoon Montiri, Datuk Seri Haji Hajiji Haji Noor pinopoimagon do ababayan dilo’. Minananud disio i Montiri Ponombuluyan, Koubasanan om Sandad Posorili’, Datuk Seri Christina Liew.
Hajiji pinapatahak toluod kumaa lansanon Koisaan Koburuon Lotud Pogun Sabah; Koisaan Sandad Lotud Pogun Sabah; Sikul Adat Mamasok Pogun Sabah; Longkod Pinsingilaan Mogigiyon Lotud; Koisaan Monginsada’ Watas Tuaran; Kelab Belia Harapan Watas Tuaran; Kelab Olahraga Tuaran; PIBG SM St. John, Tuaran; PIBG SMK Sri Nangka, Tuaran; PIBG SK Selupoh, Tuaran; PIBG SK Kindu, Tuaran; PIBG SK St. John, Tuaran; Kelab Selupoh Master Athletics, Koisaan Komulakan Buansa, Kg. Mengkabong, Tuaran; om Tinan Mongungulud Lintuhun, Futsal om Padang Suworoh Selupoh, Tuaran.
TTS nopo nga’ songinan kotinanan id siriba’ kaganaan kuasa’ Komontirian Ponombuluyan, Koubasanan om Sandad Posorili’ (KePKAS).
Nokotindapou nogi’ i Monguhup Montiri Ponombuluyan, Koubasanan om Sandad Posorili’, Datuk Joniston Bangkuai; Monunurat Pointatap KePKAS, Datuk Josie Lai; Potunud TSS, Dr. Maklarin Lakim om i Upisor Watas Tuaran, Herman Tungginging.
