Hajiji monongkirumo dilo tongo’ tombului id Ramai Walai Poingukab Tadau Raya Aidilfitri Koporintaan Pogun Toun 2025M/1446H.
KOTA KINABALU: Kiikiro 20,000 tombului kapaampai mantad mogisusuai nayatan mogigiyon tuminindapou doid Ramai Walai Poingukab Tadau Raya Aidilfitri Koporintaan Pogun Toun 2025M/1446H id Longkod Konvensyen Sompomogunan Sabah (SICC), do hiti, di tadau baino’.
Wookon tombului apantang i nokotindapou nopo i Molohingon Agayo Pogun Sabah, Tun (Dr) Musa Haji Aman om sawo, Toh Puan Faridah Haji Tussin.
Ramai dilo’ notindapou nogi’ di Boyoon Montiri, Datuk Seri Haji Hajiji Haji Noor om sawo, Datin Seri Hajah Juliah Salag i pinapatahak nogi’toluod kumaa tulun nolohing, tulun suai kohimboguian (OKU) om asnaf mantad siam tinan kotinanan kotundunan pososorili’ koiyonon tisan kotonobon.
Id boboroson disio ontok monongkirumo di tongo’ tombului, nangatan di Hajiji o rayat orukut tinaru momoguno pamaramaian Tadau Raya Aidilfitri sabaagi kosiwatan montok popoinggirot po do pisompuruan om pogihunungan.
Nokotindapou nogi’ i Speaker Lintuhun Undangan Pogun (DUN) Sabah, Datuk Seri Kadzim M. Yahya, tongo’ Kumoduo Boyoon Montiri io’ Datuk Seri Dr. Jeffrey Kitingan, Datuk Seri Dr. Joachim Gunsalam om Datuk Ir. Shahelmey Yahya nogi’ tongo’ montiri kabinet.
Ramai Walai Poingukab Tadau Raya Aidilfitri Koporintaan Pogun Toun 2025 rinamai di pokikitanan sayau om suminding.
Tombului i nokotindapou rinaatan do mogisusuai takanon Raya kaampai no takanon koubasanan lemang, kotumpat om sate nogi’ mogisusuai po ponit tongo’ tindalam.
