Tun Musa minamalambai pogulu suminuang id kapal.
KOTA KINABALU: Molohingon Agayo Pogun Sabah (TYT) Tun Musa Aman pinoungkoyutan kuminaa id Kuala Lumpur montok tumindapou Mitingan Kounsol Raja-Raja Di Ko-268.
Mitingan dilo’ pinatantu’ kapanau solinaid duo tadau mimpuun suab id Pisuk Mitingan Raja-Raja, Istana Negara.
Kapal pinotomod minogowit disio om sawo, Toh Puan Faridah Tussin minungkayut maya’ Terminal 2 Tutubpoon Kapal Tumulud Sompomogunan Kota Kinabalu (KKIA) di jaam ko 10.30 kosuabon baino’.
Nokotindapou minananud di Tun Musa om tinonudan id tutubpoon kapal nopo, Monguhup Montiri Kumaa Boyoon Montiri, Datuk Ruslan Muharram om Monguhup Montiri Koporintaan Koiyonon om Pomuwalaian, Datuk Isnin Aliasnih, Luguan Potunud Surupukaraja’ Koporintaan Pogun Sabah, Datuk Zainuddin Aman nogi’ Monguasa’ Pulis Sabah, Datuk Jauteh Dikun.
