Koyuon id suang Lintuhun pogulu nokotimpuun pitimungan.
KOTA KINABALU: Limo Rang Undang-Undang (RUU) pinolulus id Mitingan Kotolu Penggal Kaapat Walai Undangan Pogun (DUN) Sabah Ko-16 di tadau Kaapat.
RUU nopo dilo’ nga’ RUU Perbekalan (2024) 2023, RUU Fatwa (Ponimbanan) 2023, RUU Mahkamah Syariah (Ponimbanan) 2023, RUU Yuran (Ponimbanan) 2023 om RUU Pentadbiran Labus Kakadayan (Ponimbanan) 2023.
RUU Perbekalan (2024) 2023 i pinawalad di Montiri Kousinan Datuk Seri Masidi Manjun pinolulus katalib binasa’ kumoinsan, koduo om kotolu i pinapanau di Speaker DUN Sabah Datuk Seri Kadzim M. Yahya.
Naamot RUU Fatwa (Ponimbanan) 2023 om RUU Mahkamah Syariah (Ponimbanan) 2023 i pinawalad di Montiri Sains, Tiknologi om Inovasi, Datuk Dr. Mohd Arifin Mohd. Arif pinolulus katalib binasa’ kumointolu nakapaampai tolu pembahas yolo’ nopon ga’ ii ADUN Bugaya, Jamil Datuk Hamzah, ADUN Sinili Aliakbar Gulasan om ADUN Kukusan, Rina Jainal, sesi dilo’ pinapanau di Kumoduo Speaker, Datuk Richard Yong Ke Wong.
Suai ko ilo’, Monguhup Montiri kumaa Boyoon Montiri, Datuk Abidin Madingkir nopo pinapawalad RUU Yuran (Ponimbanan) 2023 binahas di ADUN Sinili, Datuk Seri Yong Teck Lee pogulu pinolulus di Kumoduo Speaker, Datuk Richard Yong Ke Wong.
Montok RUU kopohompit Pentadbiran Labus Kakadayan (Ponimbanan) 2023 i pinawalad di Montiri Koburuon Labus Kakadayan, Datuk Jahid Jahim pinolulus katalib binasa’ kumointolu nakapaampai limo pembahas yolo’ nopo nga’ i ADUN Sindumin, Datuk Yusof Yacob, ADUN Usukan Datuk Seri Dr. Mohd. Salleh Tun Said, ADUN Tungku Assafal P. Alian, ADUN Kapayan Jannie Lasimbang om i ADUN Bugaya, Jamil Datuk Hamzah.
Tadau koompokon pitimungan DUN Sabah notindapou nogi’ di Boyoon Montiri, Datuk Seri Haji Hajiji Haji Noor, tongo’ Kumoduo Boyoon Montiri, Datuk Seri Dr. Joachim Gunsalam om i Datuk Seri Dr. Jeffrey Kitingan.
