Yang di-Pertuan Agong Al-Sultan Abdullah Ri’ayatuddin Billah Shah suminain plak i sinasi’ dio’ Tun Juhar dii Hajiji.
KOTA KINABALU: Yang di-Pertuan Agong Al-Sultan Abdullah Ri’ayatuddin Billah Shah nasaga’ pinopoimagon Kompleks Kuut Syariah Sabah id Likas, do hiti, di tadau baino’.
Nokotindapou nogi’ id ababayan dilo’ i Molohingon Pogun Sabah, Tun Juhar Mahiruddin; Kumoduo Luguan Montiri, Datuk Sri Fadillah Yusof; Boyoon Montiri Sabah, Datuk Seri Hajiji Haji Noor; Montiri id Koupisan Luguan Montiri (Hal Ugama’), Senator Dato’ Setia Dr. Haji Mohd. Na’im Haji Mokhtar; Montiri Kousinan Sabah, Datuk Seri Masidi Manjun; Montiri Sains, Tiknologi om Inovasi, Datuk Dr. Mohd. Ariffin Mohd. Arif om Monunurat Koporintaan Pogun, Datuk Seri Sr. Safar Untong.
Yang di-Pertuan Agong Al-Sultan Abdullah Ri’ayatuddin Billah Shah pinopoindalan gimik kinopoimaganan Kompleks Kuut Syariah Sabah, sinasi’ dio’ Tun Juhar dii Hajiji.
Katalib pinapatahak boboroson diraja’, Al-Sultan Abdullah tinanud di Tun Juhar, Hajiji om i Mohd. Na’im, suminain plak i ponokotanda’ kinopongukaban kompleks dilo’.
Talib dilo’, Baginda minooi intong id pisuk Kuut Pokinsianan Syariah pogulu suminain buuk tutumombului.
Ababayan nopo dilo’ nga’ wookon mantad ababayan jelajah Kembara Kenali Borneo tinonudan diraja id Longkod Pogun.
