Tun Juhar (gibang) sinuau di Ruslan ontok nokorikot id Terminal 2, KKIA.
KOTA KINABALU: Molohingon Pogun Sabah, Tun Juhar Mahiruddin om sawo, Toh Puan Norlidah R.M Jasni minungkayut pinakaya’an doid Indonesia montok kotombuluyan karaja solinaid sominggu.
Kapal pinotomod i minogowit di Tun Juhar om tinonudan pinoungkoyutan mantad Terminal 2 Tutubpoon Kapal Tumulud Kota Kinabalu (KKIA) di jaam ko 9.50 kosuabon, tadau Koiso’.
Tun Juhar (kotolu, wanan) om Toh Puan Norlidah (koduo, wanan) minangamin ontok bacaan doa binuruan di Abdul Manap.
Nokotindapou minooi pamason kinoungkoyutan kuminaa di Tun Juhar om Toh Puan Norlidah nopo nga i Monguasa Pulis Sabah, Datuk Jauteh Dikun om Monguhup Montiri kumaa di Boyoon Montiri, Datuk Ruslan Muharam i po nogi Puru Lintuhun Undangan Pogun (ADUN) Lumadan.
Nokopogulu, bacaan doa kinoungkoyutan di Tun Juhar om tinonudan binuruan di Kumoduo Mufti Kopirintaan Pogun Sabah, Datuk Abdul Manap Lakariba.
