Viola Vicentia toi lobi ointutunan do i Lula luminoyou sinding “London Bridge Is Falling Down” nompot di kombit gitar di tapa’ dau, Ateng.
KOTA KINABALU: Komposer sinding, Ateng, nokotigowo video suminding miampai tanak dau, Lula, nakaramit lobi 1 riong mio’ontong id TikTok id timpu no do sangadau.
Ka di Ateng, amu’ yau insan piiman video luminoyou sinding “London Bridge Is Falling Down” miampai tanak dau dilo’ Viola Vicentia toi pongundadait, Lula, do noondo nakaramit lobi 2 riong minintong gisom noondo.
“Miagal noubasanan timid tadau mintong oku do ‘notifikasi’ (kopoilaan) id nombo-nombo laman sosial ku, kaampai no TikTok, nga’ kosuayan sigog ka do video dilo’ haro ogumu’ minintong, di timpuun nopo nga’ komoyon ku nopo kododouwo’,” ka dau.
Ka dau, di kosuabon nolinsuaban dilo’ nopo, ginumu’ minongintong nakatalib no do 1 riong, om ginumu’ tutumanud nga’ nakatalib 14,000 id suang timpu sangadau.
Om i lobi koponigowo, di tadau baino’ ginumu’ minintong vidio dilo’ nopo nga’ nokosigampot 2.2 riong.
Ka dau, i lobi kosuayan, tongo’ komi i pinatahak di tongo’ mio’ontong mantad mogisusuai pomogunan, i popisawit sinding dilo’ di iso’ filem ‘Anime’, dadamot do sinding nopo dilo’ nga’ sinding tangaanak mantad di pogulu po.
“Tigiran nogi’, sinding ku di kawawagu id Youtube nopo nga’ amu’ nakaanu raramit miagal diti,” ka dau mininggasou.
Poingkuro po, monongkounsikou i Ateng kumaa toinsanan i nokokito video dilo’ om sokodung di pinatahak.
Kasaga’ mintong dilo’ id Video TikTok: https://vt.tiktok.com/ZS8yvkwcs/
