Armizan om Ewon ruminuba’ di Presiden Sabah Law Society (SLS) Roger Chin om Luyar Pakatan Harapan (PH) Sabah, Nelson W. Angang montok minoboros hal ngaawi kapaampai Pibatosan Malaysia 1963 (MA63).
PENAMPANG: Montiri id Koupisan Luguan Montiri (Sabah, Sarawak om Karaja’ Pinotomod) Datuk Armizan Mohd. Ali om i Montiri Kopotundaan Mongungusaha’ om Koperasi Datuk Ewon Benedick ruminuba’ di Presiden Sabah Law Society (SLS) Roger Chin om i Luyar Pakatan Harapan (PH) Sabah, Nelson W. Angang montok miboros kokomoi hal ngaawi’ kopohompit Pibatosan Malaysia 1963 (MA63).
Io’ Armizan dii Ewon nopo nga’ duo mobi’ mantad Sabah sopipoopori mongoobi’ Gabungan Rakyat Sabah (GRS) om PH poingulud id Kabinet Koporintaan Perpaduan.
Pinopoilo yolo’, kopokionuan kopoindalanan MA63 nopo nga’ hal di oponsol i alaid no do piindadan rayat Sabah.
“Monongkounsikou yahai kumaa di Boyoon Montiri, Datuk Seri Anwar Ibrahim tu’ minanahak tonggungan akawas id kopotontuan kopotutan Sabah aanu pogulion,” ka disio.
Koporintaan minonuridong Kounsol Tindakan Kopoindalanan Pibatosan Malaysia 1963 i pinonorikohon di Luguan Montiri, Datuk Seri Anwar Ibrahim montok miboros om manalasai hal ngaawi’ poinggompit do pibatosan dilo’.
Io’ Armizan dii Ewon otumbayaan koponuridongan kounsol tindakan dilo’ kapasanang po do koinsanai pitorinaan pibarasan di osorisid montok maganu kawagu tongo’ kopotutan Sabah om Sarawak.
