Hajiji pinapaharo pinibabarasan miampai di Dr. Zaliha ontok minamaramit kotombuluyan apantang id kinoiyonon pinotomod Boyoon Motiri id Sri Gaya Kota Kinabalu di tadau baino’.
KOTA KINABALU: Boyoon Montiri (KM), Datuk Seri Hajiji Haji Noor minamaramit kinotombuluyan apantang mantad Montiri Kolidasan Malaysia, Dr. Zaliha Mustafa id kinoiyonon pinotomod Boyoon Montiri, doid Sri Gaya, do hiti di tadau baino’.
Hajiji nonuan kopointalangan ababayan om projik kopoburuan kolidasan i nokoindalan om maan poindalano’ do Komontirian Kolidasan id Sabah.
Hajiji mokianu Montiri Kolidasan manahak koposuulan kumaa Sabah id sunduk kopoikidan kousinan kopoburuan om monginsonong kogogonopan kolidasan id Sabah.
Hajii ruminamit tandamato mantad di Dr. Zaliha ontok minamaramit kotombuluyan apantang id kinoiyonon pinotomod Boyoon Motiri id Sri Gaya Kota Kinabalu di tadau baino’.
Ka disio, Sabah nopo nga’ wookon pogun i kiharo ogumu’ walai pongubatan om kolinik kolidasan di bobos ogumu’ id pomogunan diti, om kogumuan id koyuon di nakalaid om au’ noinggonopan.
“Kohondot dilo’, Sabah momoguno kopio do kopoikidan kousinan kopoburuan di aadang om lobi kagayo nung poiradon di pogun ngaawi’ suai, kaampai no montok kapamansaian wagu om koponginsonongan kogogonopan om kosusukupan kolidasan di haro mantad id pogun diti,” ka disio pinoposotol.
Nokotindapou nogi’ i Luguan Potunud Kolidasan, Datuk Dr. Norhayati Rusli om i Potunud Kolidasan Pogun, Datuk Dr. Rose Nani Mudin.
