Dr. Joachim minonorikohon Mitingan Kumoiso’ Kapamaramaian Kaamatan Nayatan Pogun Sabah 2026.
KOTA KINABALU: Kumoduo Boyoon Montiri I po nogi’ Montiri Karaja Agayo om Utiliti, Datuk Seri Dr. Joachim Gunsalam minonorikohon Mitingan Kumoinsan Kapamaramaian Kaamatan Nayatan Pogun Sabah 2026 id komontirian disio, do hiti, di baino’.
Mitingan dilo’ kituduan minogiboboros posodiaan om palan osopung montok ababayan toun-toun bobos agayo dilo’, i ramaion po’ompus wulan Kolimo.
Nokotindapou nogi’ i Monguhup Montiri I, Datuk Limus Jury; Monunurat Pointatap KKRU, Datuk Ridhwan Roger Linus; Monunurat Agayo Koisaan Koubasanan KadazanDusun (KDCA), Datuk Suman Yasambun; Monobubut KDCA, Datuk Joseph Paulus Lantip; tongo’ upisor watas, luguan koupisan nogi’ puru komitikuasa’ manganganjur suai.
Mitingandilo’ pinapatatap nogi’ do Papar sabaagi mananwalai kopoimpuunan Kapamaramaian Ramai Kamaatan Nayatan Pogun Sabah 2026, do ko 1tw Mikat 2026 obontol.
Ka di Dr. Joachim, Kaamatan kosili impohon oponsol montok momogompi’ tungkusan koubasanan Sabah nogi’ monginggirot pisompuruan om sundua mogigiyon pototongkop pogun.
Minoboros isio, kapamaramaian ramai dilo’ poposotol sunduan pisompuruan nogi’ inggisaman manamong koubasanan om adat tungkusan mogigiyon Sabah.
Ka disio, Kaamatan okon nopo ko’ kosili koiyonon mongunsikou asil kinokotuan, nga nogi’ ponokotanda’ piuludan om kinopuawangon koubasanan mogigiyon Sabah i toririmo momogompi’ dilo’ do po’ompus.
