KOTA KINABALU: Kuut Sesyen Kota Kinabalu di tadau baino’ minagada’ upalai ‘ex-parte’ Albert Tei montok kapasagaan papafail upalai ponuhuan komital kohondot di Datuk Seri Haji Hajiji Haji Noor.
Hakim Kuut Sesyen, Zaini Fishir @ Fisal minomonsoi kootusan dilo’ katalib minokinongou ‘hujahan’ mantad di Datuk Brenndon Keith Soh, miampai di Roland Alik i minongobi’ di Boyoon Montiri Sabah (Caretaker).
Pogulu diti, i Tei pinapafail upalai kapasagaan id siriba’ Perintah 52, Kooturan 3 Kaedah-kaedah Kuut 2012 montok mamadawa di Boyoon Montiri (Caretaker) tu’ minoniisinda’ kuut, miampai minonondos kuasa imigrisin pogun ginuno montok manalob kosuangon disio om minanalob mantad tumindapou pibisaraan susuap disio.
Di o 17tw Kohopod om Iso’ 2025, kapasagaan naanu mantad Kuut Sesyen do tumindapou om monguhup hakim papatantu’ nung upalai di Tei aanu patahakon. Id timpu miagal, Kumoduo Mamadawa Agayo, Rustam Sanip nalap montok papawalad hujahan id kuut montok monokodung hujahan Luyar Agayo Pogun.
Id kinapagadaan upalai dilo’ mimpau kagagaan osopung, pinoboros ilo’ do Perintah 52 Kaedah-kaedah Kuut 2012 manamong nopo ‘prosiding sivil’ om okon ko’ haal kopomusalaan id siriba’ Perintah 1 Kooturan 2(2) Kaedah-kaedah Kuut 2012. Mantad dilo’, upalai dilo’ amu’ aanu tilombuson tu’ i Tei nosilap id kinopogintangan kooturan dilo’ om amu’ ookunan doid undang-undang.
Suai dilo’, id siriba’ Perkara 145(3) Perlembagaan Persekutuan om Seksyen 376 Kanun Prosedur Jenayah, nopo Luyar Negara Pisompuruan, i obian di Kumoduo Mamadawa Agayo, i kiharo kapanamangan om ponuhuan kohondot koinsanai pamadawaan om prosiding kopomusalaan. Tei, sabaagi notondosan id prosiding kopomusalaan sopisuai, okon ko’ mongupalai di apatut do monimpuun prosidin koponiisindaan kuut doid kuut suai.
Tonggungan dilo’ poingiliu id Kumoduo Mamadawa Agayo id prosidin kopomusalaan dilo’. Ilo’ po nogi’ nga’ pinoboros do upalai dilo winonsoi miampai angkab di amu’ osonong om nogi’ kinapanansalaan guno proses kuut tu’ aiso’ padaahan kointalangan toi undang-undang.
Soira’ minonimbang hujahan diolo’. Hakim Kuut Sesyen pinopootus mongobi’ kumaa di Boyoon Montiri Sabah om minagada’ upalai di Tei tumanud kinagagaan osopung.
Kootusan diti pinoposotol do kaganaan kuasa moniisinda’ kuut amu’ anau gunoon imampai asanang toi montok tuduan di aiso’ pisowitan do kopoindalanan kaadangan di otopot.
Minongomi kokomoi kootusan dilo’, ka di Soh, kootusan kuut pinoposotol prinsip do kaganaan kuasa’ moniisinda’ kuut aanu no do poindalanon t umanud undang-undang om amu’ kasaga’ gunoon montok tuduan di aiso’ pisowitan do kopoindalanan kaadangon.
“Upalai i pinafail di Albert Tei nopo nga’ nokosilap om aiso’ nimpohon kointalangan toi undang-undang.”
