Hajiji guminambar miampai tutumanud Sabah Moto Day om poindikau id sakai songinan mutusoikol.
KOTA KINABALU: Koporintaan Pogun popoobi’ kikiro RM600,000 montok monguhup pakakaraja’ gig id siktor e-hailing mongukab akaun Tinimungan Tusin Pinoopi’ Pakakaraja’ (KWSP).
Boyoon Montiri, Datuk Seri Haji Hajiji Haji Noor minoboros, soginumu’ 11,109 upalai i naramit mantad pakakaraja’ e-hailing montok papaapu’ id KWSP.
“Orohian oku papahabar do koporintaan pogun popoobi’ somok RM600,000 montok monguhup diolo’ (pakakaraja’ e-hailing) i kakal amu’ nokopongukab akaun KWSP,” ka disio ontok pinopoimagon Sabah Moto Day 8.0 id Padang Kawad Univositi Malaysia Sabah (UMS) do hiti di tadau baino’.
Hajiji ounsikou nogi’ kokito kinoburuon Sabah Moto Day i kotilombus nokoburu’ miampai nokoimbayat kinotonudan kikiro 60,000 susumakai mutusoikol om orohian motor mantad pototongkod Sabah, Sarawak om Brunei do toun diti.
Kinorikotan ogumu’ susumakai om tutumombului kopokito do kaparagatan minmutusokol kotilombus kaanu raramit sukod wagu om mogigiyon ginumuan, ka disio.
“Oondos oku kokito sokodung pinokitonan do oinsanan tutumanud amu’ momuntuk umur, tinaru om ugama’, i tuminimung minogiilang kororohian id miagal.
“Nuru’ tokou mintong pitimungan diti mantad sunduk di osonong tu’ kouhup ilo’ kumaa koonuan ikonomi pogun nosusuhut ginumu’ tutumanud om tombului di ogumu’ kopihondot ababayan diti,” ka disio.
Minokianu di tongo’ tutumanud Sabah Moto Day do toririmo poposuul koumoligan id talun-alun, kalansanan nogi’ di hajiji pitimungan dilo’ koposuni kopurimanan di lobi kakawas karait koumoligan id nayatan ongorohian mutusoikol.
Boyoon Montiri nga’ pinopoilo nogi’ do koporintaan pogun mintong sukod wagu sabaagi aset, kohondot dilo’ mogisusuai inggisaman pinoindalan montok popoburu’ ‘modal insan’.
Ka disio, koporintaan pogun noondo diti pinapabalanja’ soginumu’ RM1.33 bilion, kaampai RM484.26 riong montok ponguhupan balajaran om RM485 riong kosuul montok kaparagatan koburuon bakat om nogi’ komilaan po’ompus 2021 gisom 2025.
“Haal diti amu’ insan powonsoiyo’ di koporintaan pogun nokopogulu. Tumopot yahai popoburu’ konmulakan tu’ yolo’ no o momumuruan timpu dumontol tokou,” ka disio.
Id koompokon bobosorond dau, i Hajiji minomuruan nogi’ do bacaan doa ‘Al-Fatihah’ miampai tongo’ tutumanud montok di Allahyarhamah Zara Qairina Mahathir.
