Hajiji pinapatahak buuk Ruputan Toun-toun Sondikoton SMJ 2024 kuminaa di Anwar ontok pinirubaan doid Upis Luguan Montiri id Putrajaya, di tadau baino’.
KOTA KINABALU: Boyoon Montiri, Datuk Seri Haji Hajiji Haji Noor di tadau baino’ pinapaharo pinirubaan miampai di Luguan Montiri (PM), Datuk Seri Anwar Ibrahim id upis disio doid Putrajaya di tadau baino’.
Id pinirubaan dilo’, gogoduo lansanon dilo’ do wookon miniboros haal om kinomogoton maso-maso id Sabah.
Pinirubaan dilo’ pinaharo id kinopongohon Mitingan Montiri Agayo om Boyoon Montiri id Upis Luguan Montiri, i pinonorikohon di Luguan Montiri.
Hajiji miniboros haal maso-maso om kinomogoton pogun Sabah id pinirubaan miampai di Anwar id Upis Luguan Montiri doid Putrajaya, di tadau baino’.
Boyoon Montiri nga’ pinapatahak nogi’ do buuk Ruputan Toun-toun Sondikoton Sabah Maju Jaya (SMJ) 2024, i pinoporuput kinalantaion ninggisaman ngaawi’ sondikoton dilo’ pointonod 2021 gisom noondo kuminaa di Luguan Montiri.
Nokopogulu, Hajiji tuminindapou Mitingan Montiri Agayo om Boyoon Montiri Ko-146 id Pisuk Mitingan Perdana, Upis Luguan Montiri, Linimput Perdana Putra do hiti.
Tinanud isio di Monunurat Koporintaan Pogun, Datuk Seri Safar Untong.
Hajiji miampai di Anwar om Premier Sarawak, Tan Sri Abang Johari Abang Openg ontok tuminidapou Mitingan Montiri Agayo om Boyoon Montiri Ko-146 id Pisuk Mitingan Perdana, Upis Luguan Montiri id Putrajaya, di tadau baino’.
Id mitingan dilo’, Safar minanahak nogi’ kointalangan kopohompit Ikonomi Obulou kumaa tongo’ montiri agayo om boyoon montiri.
Di tadau Kotolu om Kaapat, Boyoon Montiri tinanud di Molohingon Agayo Pogun Sabah, Tun Musa Aman kopihondot Mitingan Kounsol Raja-Raja Di Ko-269 id Istana Negara.
