Hajiji miniboboros miampai pipiro sitaf ASB.
KOTA KINABALU: Boyoon Montiri, Datuk Seri Haji Hajiji Haji Noor mimang di koponguludan Asian Supply Base (ASB) popoingkawas kohompiton id pomorunan tumau om gas (O&G).
“Petronas nokopointalang mokianu 30 pihatus kohompitan mantad komponi Sabah nga’ gisom noondo diti kinotonudan amu’ songkuro kounsub.
“Mositi tokou papatantu’ kosigampot rikoton 30 pihatus,” ka di Hajiji ontok kinotombuluyan karaja’ kumoinsan disio id ASB Labuan, di tadau baino’.

Hajiji (koduo, gibang) minokinongou kointalangan di Suhaili (gibang).
Miampai Taman Pomorunan Tumau om Gas Sipitang (SOGIP) id Sabah i babaino’ diti modingkoponu’, ASB mositi’ maganu kosiwatan id pomorunan O&G.
“ASB id siriba’ Sabah Energy Corporation (SEC) nopo nga’ iso’ komponi poinggompit koporintaan (GLC) agayo koporintaan pogun. Oponsol montok do ASB popoinggumu’ pongindopuan dau id pomorunan tumau om gas,” ka disio katalib minokinongou kointalangan di Ponorikohon ASB, Datuk Suhaili Abdul Rahman om Luguan Upisor Eksekutif, Japar Esteban karait di palan timpu dumontol komponi.
Wookon nopo nga’ ponuridongan kogogonopan kopongolonan krew i koindalan sabaagi longkod pitorinaan Kositum, Imigrisin om Koumoligan montok pakakaraja’ I sumuang doid kowoigan Sabah om atag kapamaraladan ‘dermaga’ i pikikiro kaawi’ balanja’ RM240 riong.
Nokotindapou nogi’ i Ponorikohon Perbadanan Labuan, Senator Tan Sri Anifah Aman om Monunurat Koporintaan Pogun, Datuk Seri Sr. Safar Untong.


































