Hajiji Haji Noor
KOTA KINABALU: Boyoon Montiri (KM), Datuk Seri Hajiji Haji Noor minagangat koinsanai nayatan mogigiyon orukut tinaru om mogisuaian koubasanan do tumilombus posuni sunduan mongupus pogun (patriotisme), monimporon pisompuruan om manamong piuludan kopihondot pamaramaian Tadau Kabansaan toun diti.
Ka disio, kapamaramaian Tadau Kabansaan nopo nga’ oinsanan sanganu, kohondot dilo’ rayat kiguno mingkakat ogirot om kada’ kaampawong di nunu-nunu hal taraat i kopomidsala’ piuludan om pisompuruan, gisom koowit kumaa pogiuriasan.
“Oinsanan nayatan rayat nga’ mositi’ do momuhondom om mamagatang tinonggungan om kolubukan tongo’ susumangod om bontugon pomogunon, i minomusus bantug pomogunan di koupusan,” ka disio id pason kopihondot Tadau Kabansaan 2023.
Hajiji minoboros, kopiongoi di tuduan Malaysia Madani id siriba’ Koporintaan Pisompuruan, ababayan Hontolon Sabah Maju Jaya mamaramit osonong koinsanai laang, winonsoi om palan i koponuridong kawagu ginoris pomogunon diti, lolobi no i id sunduk komogoton sosio-ikonomi om kasasanangan rayat.
“Kanou tokou no mamarati uhu kapamaramaian Tadau Kabansaan toun diti, ilo’ nopo ‘Malaysia Madani: Tekad Perpaduan Penuhi Harapan’,” ka disio i minamason Kounsikohan Mamaramai Tadau Kabansaan 2023.
