George (tanga’) guminambar miampai oinsanan di nokohompit id kinopoikidan daging kopihondot Aidiladha.
SANDAKAN: Puru Lintuhun Koundangan Pogun (ADUN) Karamunting, George Hiew pinopoikid toluod daging korban kuminaa 4,000 luguan suang walai (KIR) id suang watas DUN Karamunting do hiti di tadau baino’, kopihondot do Tadau Raya Aidilfitri.
Toluod dilo’ pinatahak kumaa tongo’ molohingon kampung i minongobi’ tongo’ mogigiyon kampung id iso’ ababayan i pinapanau doid Upis Parti Gagasan Rakyat Sabah (Gagasan Rakyat) Bohogian Karamunting.
George i po nogi’ Luguan Bohogian Gagasan Rakyat Karamunting minoboros, sundung toluod dilo’ amu’ kosongkuro nga’ ilo’ doid ginawo disio kopihondot Aidiladha.
Toluod dilo’ nogi’ sabaagi monokodung ponuhuan Koporintaan Malaysia Madani i poposotol koponsolon sunduan pisompuruan om piuludan rayat kotilombus poinggompi’ om oinggirotan, ka disio kawagu.
George (tanga’) soira’ rinubaan media.
Ka disio, tongo’ molohingon kampung dilo’ popoikid dilo’ kumaa mogigiyon kampung i noilaan mantad.
George nga’ minonongkounsikou nogi’ kumaa puru ngaawi’ puruan kuasa’ (AJK) Gagasan Rakyat, unit ‘Task Force’ om tongo’ molohingon kampung di poinggompit om nokotindapou id ababayan kinopoikidan daging korban dilo’.
