Hajiji (kotolu, wanan) minamaramit tandamato mantad di Lance.
KOTA KINABALU: Sabah toririmo mongunsikou korikotan om sokodung mangangapu’ sompomogunan kitonggungan i kaanu mogowit gatang pomoruhang kumaa koburuon Pomorunan ginoris, tumau om gas pogun.
Boyoon Montiri, Datuk Seri Haji Hajiji Haji Noor minoboros, Koporintaan pogun pointootopot poposodia’ koyuon kopoopuan di ogirot, osimbayan om kiginoris tumopong montok mongimbayat kopoopuan kinaangayan osonong, kosuul no id siktor ginoris om tumau.
“Piuhupan kohunung pialatan komponi tumau sompomogunan om tongo’ popoburu’ Pomorunan agayo nuru’ kapanahak koundaran timpu anaru kumaa pogun om nogi’ rayat Sabah,” ka disio ontok minamaramit kotombuluyan apantang Ponorikohon om Luguan Upisor Eksekutif (CEO) ConocoPhillips, Ryan Lance id upis disio doid Menara Kinabalu, do hiti di tadau baino.
Daamot dilo’, i Lance pinopoilo do ConocoPhillips nopo nga’ wookon komponi tumau agayo mantad Amerika Syarikat nogi’ popoburu’ poinpoopori bobos agayo pomogunan id kaparagatan pongukaban om kopolobusan tumau om gas, miampai Koporintaan id mogisusuai kinoiyonon kosudong pomogunan.
Ka disio, ConocoPhillips moningkanan kumaa kopoopuan id Sabah om id timpu miagal monginggirot tonggungan timpu anaru dau kumaa Malaysia.
“Oondos yahai tu’ kaanu umampai dokoyu montok popoburu’ pomorunan tumau om gas id Sabah om otumbayaan Pomorunan diti koposodia kosunion timpu obontol di anawau kumaa Sabah,” ka disio i kumoinsan nogi’ kotombului Sabah.
ConocoPhillips Sabah Gas noondo nosili popoindalan tisoiso’ no montok Kluster Kontrak Piilangan Kopolobusan (PSC) Kebabangan (KBBC) id Sabah, soira’ PETRONAS pinapawaliu kopoindalanan dilo’ kumaa dau di ko’ 21tw Koiso’ 2025, nokoposili dilo’ do popoindalan tisiiso’ kluster kaganaan tumau om gas nokomoi.
