MEMBAKUT: Kumoduo Boyoon Montiri i po nogi’ Kumoduo Presiden Koisaan Koubasanan Kadazan Dusun (KDCA), Datuk Seri Dr. Joachim Gunsalam pinopoindalan ‘gimik’ kinopohimaganan pamaramaian Tadau ‘Pisampuvaan Zotokou Ngavi urun Sabah Piniomungan’ nayatan kokompungan id Watas Membakut doid walai di Ponorikohon Mongulud KDCA Membakut, OKK Banjimin Ondoi Dulau, do hiti di tadau Ko’onom.
Ababayan ponokotanda’ dilo’ pinoindalan miampai pinoposuang parai doid ‘sagging’ (tosung koubasanan), sabaagi kopokitanan kounsikohan di asil noomot om sunduan kopogi’isaan mogigiyon.
Nokotindapou nogi’ puru Puruankuasa’ KDCA Membakut om pipiro lansanon nokoiyonon.
Kinapamaramaian dilo’ i nokopotimung lobi 300 rinamai nogi’ miampai mogisusuai kaparagatan koubasanan om kinoubasanan sandad, kaampai pokikitanan sayau, kaparangahan sinding, nogi’ pialaan posokoton tinaru.
