Dr. Joachim Gunsalam
KOTA KINABALU: Komontirian Koporintaan Nokoiyonon om Pomuwalaian (KKTP) maya kotinanan popoindalan Kotinanan Koburuon Pomuwalaian om Kakadayan (LPPB), pinopouyu walai PPR kumaa koinsanai moniniwa’ di kosudong mantad 315 moniniwa mantad.
Kumoduo Boyoon Montiri II po nogi’ Montiri KKTP, Datuk Seri Dr. Joachim Gunsalam minoboros, soginumu’ 58 moniniwa’ mantad amu’ pinouyuhan walai PPR tu’ amu’ kosudong sabab no amu’ nokoponumboyo’ kosudongan Katatapan Kopoobian Walai Kos Osiriba’ posiwaan, naamot 20 moniniwa’ suai haro no walai sondiri’.
“Soginumu 113 moniniwa mantad 237 i pinouyuhan walai minamaramit kopouyuhan om nonuan walai PPR, ilo’ nopo nga’ 23 id Taman Jaya Diri, 30 id Taman Bukit Setia, 25 id Taman Puri Warisan, limo id Taman Sri Anak, 23 id PPR Kibabaig, Penampang om duo id Gayang 2, Tuaran,, duo id Taman Keramat, Putatan om tolu id Taman Serigai, Putatan.
“Soginumu’ 124 tulun minada’ kopouyuhan walai PPR mantad no kinoiyonon walai nopo nga osodu’ mantad karajaon, sikul tanak toi walai pongubatan. Montok diolo’ i amu kosudong onuan walai PPR, pinokianu yolo’ montok mogihum sondiri walai,” ka disio minonimbar ponguhotan di Datuk Junz Wong (Tanjung Aru) id Pitimungan Lintuhun Undangan Pogun (DUN) Sabah di tadau baino.
Ka di Dr. Joachim, gisom di ko 3tw Koturu’ 2025, 55 mongingiyon amu’ po nokoundaliu luminabus mantad walai pangsa (30 i minamaramit walai PPR, 18 i minada kopouyuhan walai PPR om turu’ i amu kosudong pouyuhan walai PPR).
