Tun Musa om Hajii tuminabi’ dilo tulun ginumuan id Lintuhun Seri Sulaman.
TUARAN: Lobi 10,000 tulun tuminindapou walai poingukab Tadau Raya Aidilfitri onjuran Boyoon Montiri, Datuk Seri Haji Hajiji Haji Noor om paganakan id Lintuhun Seri Sulaman do hiti, di tadau baino.
Ramai dilo’ nokosindak miampai kinorikotan di Molohingon Agayo Pogun Sabah, Tun Musa Aman om sawo, Toh Puan Faridah Tussin.
Rinamai po ilo’ di pokikitanan artis nokoiyonon kaampai susuminding nointutunan Marsha Milan Londoh om Misha Omar.
I Hajiji minananud nogi’ di Tun Musa pinapatahak Tusin Raya kuminaa tangaanak amu’ songkuro kinonosipan id watas diti.
Tun Musa tinanud di Musa pinapatahak Tusin Raya kuminaa tangaanak amu’ songkuro kinonosipan.
Ontok rinubaan media, Boyoon Montiri pinolombus kopurimanan ounsikou di raramit naanu, om pinopointalang do walai poingukab diti nopo nga’ ababayan tikid toun montok papasaga’ mogigiyon mantad mogisusuai nayatan kapamaramai Tadau Raya do oinsanan.
“Walai Poingukab diti kituduan montok popogirot pogiromutan piuludan sompipi’ dati’ toinsanan,” ka disio.
Wookon i nokotindapou nopo Speaker Lintuhun Undangan Pogun, Datuk Kadzim M. Yahya; puru Kabinet Pogun; Monunurat Koporintaan Pogun, Datuk Seri Sr. Safar Untong, tongo’ mongongobi’ rayat om lansanon nokoiyonon.
