Dr. Joachim Gunsalam
KOTA KINABALU: Ponorikohon Puruankuasa’ Induk Pamaramaian Kinouliton Toun Kinosusuon Pinotomod Molohingon Agayo Pogun Sabah, Datuk Seri Dr. Joachim Gunsalam pinopointalang do kapamaramaian kinouliton toun kinosusuon pinotomod Tuan Yang Terutama (TYT) Pogun Sabah toun diti okon ko’ koindalan solinaid tolu wulan, miagal pinotondos do wookon boogian.
Ka disio, pamaramaian dilo’ koindalan no saalom timpu sombulan, ilo’ nopo nga’ ontok wulan Ko’onom 2025, miampai turu’ ababayan pinotomod di napalan.
Kootusan diti kopiongoi di katatapan Kabinet Pogun Sabah do ramai pinotomod kapamaramaian maan pohoroo’ do ko 21tw Koonom 2025.
“Montok kopoilaan, ginumu’ ababayan ningkurian mantad 12 ababayan di toun 2024 kuminaa turu’ no do toun diti.
“Suai dilo’, kopoobian pabalanjaan nga’ ningkurian soginumu’ 30 pihatus nung piadangon toun nakatalib,” ka disio pinopointalang id iso’ kopointalangan di tadau baino’.
Isio i po nogi’ Kumoduo Boyoon Montiri II, nga’ pinoposotol do koinsanai ababayan di poonjuron nopo nga’ ababayan noubasanan i toririmo pohoroon kopihondot kinouliton toun kinosusuon pinotomod TYT Sabah do tikid toun.
Mantad kinopointalangan diti, kalansanan disio do aiso’ koimbulai nunu-nunu koburilongon kohondot pongonjuran pamaramaian dilo’.
