Hajiji miampai koinsanai 87 mamaramit Gaa’ Kobontugan Koupisan Tana’ om Monukat (APC).
KOTA KINABALU: Boyoon Montiri, Datuk Seri Haji Hajiji Haji Noor mimang do Ababayan Surupukaraja’ Tana’ Adat Pogun Sabah (PANTAS) poinparagaton om haal koponukatan kopotutan kosongonuan tana’ mamasok pogun i kopohompit mogigiyon opongo osisikap.
“Ababayan PANTAS i pinoindalan pointonod 2011 maan tilombuso’ sabab no do koponsolon dilo’,” ka disio id ramai Gaa’ Kobntugan Surupukaraja’ (APC) Koupisan Tana’ om Monukat (JTU) Sabah id Longkod Konvensyen Sompomogunan Sabah (SICC), do hiti, di tadau baino’.
Hajiji minongunsub do koupisan dilo’ mooi do opoduli’ om toririmo mananud kosimbanon kogunoon pakarajaan idolo’ om popoindalan miampai opulokis.
“Koupisan Tana’ om Monukat id haal diti mositi’ no do poposodia’ kogogonopan om surupukaraja’ bobos osonong maya’ Monguhup Momuhu Asil Tana’ (PPHT) om Upis Juruukur Watas toi Upis Monguhu Juruukur Watas mooi do tulun ginumuan kaanu popoindalan pongindopuan kopohompit tana’ id kinoiyonon sompoopori,” ka disio.
Hajiji tinanud di Monunurat Koporintaan Pogun, Datuk Seri Sr. Safar Untong om Potunud Tana’ om Monukat, Datuk Bernard Liew pinopoindalan ‘gimik’ pogulu kinopoimpuunan sistom Smart Geo Sabah.
Angkab di akawas kumaa surupukaraja’ koporintaan di lobi kosonong, kaampau no JTU kirati tongo’ poposodia’ surupukaraja’ miagal dilo’ mositi’ no do popisudong tinan di kinosimbanon montok tumimporon kosudong id koponumboyoan angkab mogigiyon, ka di Hajiji.
Boyoon Montiri nga’ minamason nogi’ sitaf surupukaraja’ koporintaan do mongigit di rontob tinonggungan di akawas.
“Montok moninggirot po nubasanan karaja’, lobi kogumu’ kaparagatan pintoriningan, komilaan om toilaan nogi’ koponginsonongan mositi’ powonsoiyon,” ka disio.
Minanangkabayahan kumaa JTU mantad naangayan diolo’ id kinopoburuan sistom Smart Geo Sabah, ka di Hajiji, koupisan dilo’ pinapatantu’ tanda’ rontob montok kosimbanon digital mimpau tolu konsep — surupukaraja’ koporintaan di ‘inovatif’, surupukaraja’ koporintaan di korungod nogi’ koponsupuan nubasanan om surupukaraja’ koporintaan i popoingkawas koponorisidan kointalangan.
