Hajiji pinopotunui tandamato kumaa di El Korri.
KOTA KINABALU: Tinimungan Pogun Kotinanan Tinaru-Tinaru Misompuru (UNCT) Malaysia kikorohian do misokodung miampai Koporintaan Pogun Sabah doid kopomogotan koposuulan koburuon kopiongoi di Ababayan Koburuon Po’ompus 2030.
Mongungulud Residen PBB Malaysia, Singapura om Brunei Darussalam, Karima El Korri minoboros dilo’ ontok ruminuba’ di Boyoon Montiri, Datuk Seri Haji Hajiji Haji Noor id Menara Kinabalu, do hiti di tadau baino’.
Iti nopo nga’ misi kumoiso’ di El Korri kuminaa Sabah sabaagi Mongungulud Residen PBB.
Id pinirubaan dilo’, i El Korri nga’ miniboros nogi’ karalano’ di 22 kotinanan PBB id Malaysia monginggirot kogompitan diolo’ id Sabah miampai di Boyoon Montiri.
Minanahak isio jominan do UNCT Malaysia pointotopot montok monokodung Sabah miampai Hontolon Koburuon Po’ompus sabaagi rangka karaja’ puralan dau.
Nakaampai nogi’ id tinonudan di El Korri i Luguan Upis Mongungulud Residen om Pamalanan Strategik, Juanita Joseph om Tabaal Ikonomi Otuo, Dr. Richard Marshall.
