Jauteh Dikun
KOTA KINABALU: Pulis Sabah minamason tulun ginumuan mooi do amu’ momonsoi, papatayad toi popotonu’ nunu-nunu kointalangan araat i kotudu’ kosodingon ugama’ gisom kopomiraag kotoronongon ginumuan om kopongumpadan pisompuruan nogi’ piuludan mogigiyon mogisuai ugama’ om tinaru id pogun diti.
Pesuruhjaya Pulis Sabah, Datuk Jauteh Dikun minoboros, Pulis Sabah mintong poinwagat haal ngaawi’ kapaampai koponisindaan do ugama’ i potonuon maya’ media massa id timpu pototohuri diti.
“Tingkadai nubasanan moniisinda’ haal ugama’.
“Pulis Sabah mokianu nombo-nombo boogian amu’ monudu’ om moninong haal kougamaan nung amu’ no komilo toi kitoilaan lolobi po di nung ugama’ dilo’ okon ko’ ugama’ tinonudon dau.
“Pulis Sabah popoindalan ponoriukan osorisid kohondot hal diti om lumansan mogigiyon mau’ maganu nunu-nunu laang i koowit kumaa koyuon di lobi kasagut,” ka disio id kopointalangan di tadau baino’.
