Hajiji pinapatahak tandamato kuminaa di Dr. Bergstorm.
KOTA KINABALU: Sweden orohian popigirot piromutan miampai Sabah, kosuul no id kaganaan ponombuluyan, ka di Lansanon Takawas (Duta) Sweden kumaa Malaysia, Dr. Joachim Bergstorm.
Minoboros isio dilo’ ontok pinapaharo kinotombuluyan apantang kuminaa di Boyoon Montiri, Datuk Seri Hajiji Haji Noor id Menara Kinabalu, do hiti, di konihab.
Dr. Bergstorm minoboros, Nulu Kinabalu nointutunan id Sabah om kopogisusuaian koubasanan di koimbayat kopio, i kalansanan disio aanu pawaraon po kumaa mogigiyon Sweden.
