Dr. Joachim (kaapat, wanan) minongigit gaa’ miampai di Nurulhayati om sinasi’ di Monguhup Montiri I om II Komontirian Koporintaan Koiyonon om Pomuwalaian (KKTP), Datuk Isnin Aliasnih (kotolu, gibang), Datuk Mohamad Hamsan Hj Awang Supain (kotolu, wanan) om i Monunurat Pointatap Komontirian, Datuk Dr. Jamili Nais (koduo, wanan).
KOTA KINABALU: Komontirian Koporintaan Koiyonon om Pomuwalaian (KKTP) Sabah maya’ Siktor Lanskap om Kelestarian nakalantoi minaganu Malaysia Landscape Architecture Awards (MLAA 13) Honour Award 2022 montok Kategori Tinan Koporintaan – Green Initiatives Awards mantad Institute of Landscape Architects Malaysia (ILAM).
Montiri Agayo Johor, Datuk Onn Hafiz Dato’ Ghazi pinopoindalan ababayan kinapatahakan gaa’ id Westin Desaru Coast Conference Centre, Johor di ko 27tw Kolimo 2023 katatalib.
Gaa’ diti manahak kopongokunan kumaa Dokumen Inggisaman KKTP Kumaa Mogigiyon Osiriba’ Karbon montok Bohogian Kikuasa’ Nokoiyonon id Sabah i pinoimpuun di ko 9tw Kosiam 2021 di Datuk Isnin Haji Aliasnih @ Liasnih, Monguhup Montiri I KKTP.
Dokumen diti nopo nga’ sabaagi iso’ inggisaman om laang aparagat komontirian montok kopoburuan ‘lestari’ kumaa pososorili’ otomou om aanu mongingiyon miampai pinopoulud ponginsomokan laang om ababayan id koponoibahan kosimbanon koyuon tongus pomogunan (iklim global) miampai mongingkuri’ kopoiduan karbon dioksida id ababayan tadau-adau mogigiyon.
Ababayan pinamaga’an dilo’ notindapou di Luguan Monguhup Monunurat (Lanskap), Lar. Nurulhayati Awang More, upisor KKTP om Bohogian Kikuasa’ Nokoiyonon (PBT) ilo’ nopo nga’ Kounsol Watas Tuaran, Kinabatangan om Kounsol Watas Kota Marudu.
