Boyoon Montiri minamaramit Buuk Ruputan Tounan Hontolon Sabah Maju Jaya, Palan Koburuon Sabah Maju Jaya (SMJ) 1.0 (2021-2025) Toun 2022 id DUN, Kota Kinabalu di tadau baino.
KOTA KINABALU: Boyoon Montiri, Datuk Seri Haji Hajiji Haji Noor minamaramit Buuk Ruputan Tounan Hontolon Sabah Maju Jaya, Palan Koburuon Sabah Maju Jaya (SMJ) 1.0 (2021-2025) Toun 2022 mantad di Monunurat Koporintaan Pogun, Datuk Seri Sr. Haji Safar Untong id upis disio doid Lintuhun Undangan Pogun (DUN) Sabah, Kota Kinabalu di tadau baino’.
Di konihab, minoboros i Hajiji, Sekretariat SMJ pinapalabus duo ruputan ilo’ nopo nga’ ruputan tounan naangayan po’ompus duo toun Palan Koburuon SMJ om Ruputan Naangayan Inggisaman Toun 2022, i kopokito ruputan osorisid ‘report card’ miampai markah naangayan. Goduduo ruputan diti aanu momoromut maya’ portal Sekretariat Sabah Maju Jaya: smj.sabah.gov.my.
Ka disio, songinan buuk nga’ pinosolimbou om Sekretariat SMJ popoikid kumaa koinsanai Puru Lintuhun Undangan Pogun id timpu toruhai.
Nokotindapou nogi’ id ababayan kinapatahakan dilo’ i Luguan Potunud Surupukaraja’ Koporintaan Pogun Sabah, Datuk Rosmadi Sulai; Kumoduo Luguan Potunud Koupisan Surupukaraja’ Koporintaan Pogun/Kumoruo Luguan Sekretariat, Ramlee Hj Kariah om upisor Sekretariat SMJ.
