Masiung (kotolu, gibang) minamaramit tandamato mantad Ponorikohon Manganganjur, Hendrikus Emoi.
TONGOD: Datuk Masiung Banah minoboros, norikot nodi timpu do kapamaramaian Ramai Kaamatan onuan pinuhobo wagu miampai batos montok mongingkawas asil tanom parai miampai po’ompus id Sabah.
Puru Lintuhun Undangan Pogun (ADUN) Kuamut dilo’ minoboros, koporintaan kiguno mamalan puralan montok monginwagu pomorunan parai potitikid kapamaramaian Ramai Kaamatan.
“Nung aiso’ laang di ogirot, gisom soiraira’ nga’ oondos tokou nopo do mamaramai Kaamatan sabaagi kararamaian tikid toun montok momogonop kalendar ponombuluyan.
“Sundung Kaamatan nopo nga’ impohon kumaa ababayan asil’ tomot parai, nga’ id Sabah kakal tumalahan kumaa pangaba’ wagas nudar,” ka disio ontok pinopoimagon Ramai Kaamatan Zon Tongod id Mini Dewan Kampung Talibu, do hiti di konihab.
Masiung minoboros, suai ko’ popokito kopogisusuayan nubasanan om koubasanan Sabah, koporintaan kiguno mintong nunu nodii kinoonongon di pomorunan pananaman parai i nosili poimpahan kopio do Ramai Kaamatan.
Timbang Presiden Parti Gagasan Rakyat Sabah (Gagasan Rakyat) dilo’ minoboros, Ramai Kaamatan do noondo nokoinwagu nodii hinombo do ababayan kopongunsikohan sunduan parai mutuk-tutuk no id sinasawat om ingkuri’ kopio silihon do poimpahan tangkob parai.
Mimang isio mogigiyon Sabah gumuli’ kumaa timpu notoliban mitatabang mananom om mongomot parai sabab inggisaman dilo’ kapanahak ikonomi potilombus dino koponuridong sunduan pisompuruan id nayatan mogigiyon.
“Id timpu diti Sabah nokosigampot no do 25 pihatus rontob kosukupan tinan montok kopolobusan parai mantad do tanom mogigiyon tumanud timpu.
“Kiguno sorohon Watas Sabah babaino’ tumalahan poinponu’ kumaa wagas nudar mantad Thailand, Vietnam om Cambodia.
“Nunu kosilihon do rayat Sabah nung sigog ka do pomogunan dilo’ popotingkod pangaba’ wagas mantad no do koyuon pomogunan?” ka disio minongudio.
Masiung minoboros, id kounsikohan mamaramai Kaamatan, koporintaan apatut momusorou mooi do karamaian dilo’ onuan pinuhobo di wagu kumaa kopongimbulaian pomorunan mantad parai.
Monguhup Upisor Watas Tongod, Cleophas John Gorson om Upisor Lansanon Mogigiyon, Tokyo @ Hashim Omar nopo nga’ wookon di kikiro 300 mogigiyon nokotindapou minamaramai Ramai Kaamatan dilo’.
