Anwar Ibrahim
KOTA KINABALU: Luguan Montiri, Datuk Seri Anwar Ibrahim tumindapou do walai poingukab Tadau Raya Aidilfitri onjuran Koporintaan Pogun id Longkod Konvensyen Sompomogunan Sabah (SICC), do hiti do tadau Minggu’, ko 30tw Kaapat diti.
Montiri Sains, Tiknologi om Inovasi, Datuk DR. Mohd Ariffin Mohd. Arif i po nogi’ ponorikohon manganganjur minoboros, i Luguan Montiri minamaramit kapangalapan Koporintaan Pogun montok tumindapou walai poingukab dilo’.
“Luguan Montiri miampai di Molohingon Pogun, Tun (Dr) Juhar Mahiruddin om sawo Toh Puan Hajah (Dr) Norlidah Tan Sri R.M Jasni, Boyoon Montiri, Datuk Seri Hajiji Haji Noor om nuludan Kabinet Pogun id ababayan dilo’,” ka disio id iso’ kointalangan di tadau baino’.
Dr. Mohd. Ariffin minoboros, tulun ginumuan nga’ alapon tumindapou kumaa walai poingukab dilo’ i kotimpuun jam ko 10 kosuabon.
