Idris Abdullah
TAWAU: Pulis Diraja Malaysia (PDRM) nokopomogonop ponoriukan kopohompit kes pinamataian songulun kusai tulun nokoiyonon di ko 13tw Koiso’ 2023 i nakapaampai kinapanahanan walu’ upisor om puru PDRM nogi’ tolu ginumuan montok minonguhup ponoriukan kes diti.
Pesuruhjaya Pulis Sabah, Datuk Idris Abdullah minoboros, karatas ponoriukan nogonop om pinotoguang kumaa Upis Luyar Negara di ko 7tw Koduo 2023.
“Koinsanai pinomogombitan noowit pinopotoguang doid Kuut Majistret Tawau di tadau baino’.
“Soginumu’ turu’ tulun notondosan, i kapaampai do onom tulun upisor om puru PDRM om songulun ginumuan.
“Bohogian pulis nogi di 30tw Koiso’ 2023 minamadawa songulun tondu’ (tulun ginumuan) i po nogi’ sawo di nogompitan mantad kasalaan miagal,” ka disio id iso kopointalangan do hiti, di baino’.
Koinsanai notonodan dawahon id siriba’ Seksyen 302 Kanun Koinggoritan i binasa’ mitonggoi di Seksyen 34 Kanun Koinggoritan om Seksyen 109 kanun di miagal tu’ monokiupakat.
Kasalaan diti koposodia’ ukuman matai mandatori nung gompit kasalaan.
