Dr. Joachim (kaapat, wanan) pinapatahak surat koposilihan kumaa di Henry om sinasi’ di Dr. Jamili (kotolu, wanan).
KOTA KINABALU: Kumoduo Boyoon Montiri po nogi’ Montiri Koporintaan Koiyonon om Pomuwalaian, Datuk Seri Dr. Joachim Gunsalam pinopotunui surat koposilihan Presiden Kounsol Kakadayan Sandakan (MPS) di wagu, Henry Idol, di tadau baino’ doid linimput Wisma Innoprise, Kota Kinabalu.
Henry, 56, minongigit karaja’ id siktor Surupukaraja’ Koporintaan solinaid 30 toun.
Pogulu diti, poingkaraja isio id pipiro komontirian om nokoumbal minongigit karaja sabaagi Kumoduo Monunurat Pointatap II Sumber Manusia, Tiknologi om Inovasi nogi’ nosili Upisor Watas Penampang om Keningau.
Monimpuun isio surupukaraja’ disio do wulan diti (wulan Koduo) mongolon di Presiden pogulu diti, Benedict Asmat.
Dr. Joachim lumansan di Henry kopoindalan karaja’ do opulokis, otulid om kitonggungan, montok rayat om pogun diti.
Nokotindapou nogi’ id ababayan dilo’ i Monunurat Pointatap Komontirian miampai kumoduo disio, Datuk Dr. Jamili Nais om Stanley Chong nogi’ pipiro po upisor komontirian.
