Sikul i nosuang i nalabaian waig id SJKC Sin Boon, Sipitang, Sabah.
KOTA KINABALU: Soginumu’ 15,531 tulun susumikul noumpadanan do liyud i notoguang do pogun diti.
Tumanud Utusan Malaysia, Kumoduo Potunud Siktor Koponguludan Sikul, Koupisan Balajaran Pogun, Abidin Marjan minoboros, soginumu’ 49 sikul noumpadan id turu’ watas.
Watas nopo ngaawi’ dilo’ nga’ Pitas, Beluran, Kudat, Sipitang, Beaufort, Kota Marudu om Lahad Datu.
Minoboros isio, wookon kinoiyonon om waya’an mooi sikul nolimpantaian waig naamot, haro sikul i nosuang waig om wookon kawagu sikul sinili longkod pinoundolihan naamot (PPS) montok pinopo’iyon di nogompitan liyud.
Apat sikul id Kota Marudu i sinili PPS ilo’ nopo nga’ Sikul Kabansaan (SK) Ranau, SK Taritipan, Sikul Mananga’ Kabansaan (SMK) Tandek om SMK Bengkongan.
Sikul i nosuang do waig liyud nopo nga’ Sikul Ponit Kabansaan Cina (SJKC) Sin Boon, Sipitang.
